الموضوع
:
التسدح على الجدران .. !!
عرض مشاركة واحدة
11-11-2009, 09:15 PM
المشاركة
61
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
رد: التسدح على الجدران .. !!
اقتباس المشاركة الأصلية كتبت بواسطة ريم الماس
ههههههههههه والله مجانين قسم فكره خطيرررررررررررررررره
خلهم يوسعون صدورهم وش وراهم منها تمارين ضد التمصع لهم ومنها سعة صدر وشهره
والله ودي اسويها بس المشكله مافيه الا مكان واحد جدار السطوح ونصير اخرتها مثل المتعلقه بالجدار وتنصاد بالنبابيط <<متوفره بالبسطه حاليا
مادري ليه الستاره حقت السرير ذكرتني بخط البلده
سعد الرجــــــــــــــــــــه ~
تسلم وتسلم يمناك على موضووووعك الحلوووووووووو والخفيف الظل.
احييك على تعليقاتك الي ترسم البسمه على الكل~
لاحرمناك ولاحرمناك تميز اطروحاتك |
يستاهل
شاكره لك ويسعدك ربي ~
هلا والله وغلا بخيتووو
راعية البسطه
دوم الضحكه بقلبتس إن شا الله .. بس لحظه
تسن الفكره عاجبتس .. وش اللي خطيره؟! .. لا تكونين ناويه تبسطين فوق؟!
ترى ما يصلح ذا المتسان للبسطه .. أول شي
.. الهواء بيصفقتس بدمجتس وبتضيعين حساب المقاضي
.. وبتعثورين على العالم بالحناء والصعارير والديرم لو هبت عاصفه .. شرط ان تلقين روس العالم تحتس خضراء وأنواع الفلقات
غير كذا بتكلفين على زباينتس <<ما وده يقول العجايز>> وش يرقيهن فوق .. يبغى لتس اصنصير وشغله والا سلم كهربائي << الا ما ودكم تقلبونها بسطه مول على ذا الاختراعات
اوب على كيفهم يوسعون صدورهم على حساب ضيقة صدور العالم .. كل من مر عورته رقبته من كثر ما يناظر فيهم فوق
ههههههههههههههههههههه اما بتتعلقين بالجدار .. أجل ليه وين مكنسة الساحره؟
<< ليه زد شفتها تطير؟ براااا قبل تجيك البقشه بمقاضيها
أجل قلبتي البسطه أبو ريالين .. والا وش دخلتس في نشاط بيع النبابيط .. وأنا أقول ما عاد نلقى مغاغيط في المكتبات
هههههههههههههههههههههههههههههههههههههههههههههههههه أما خط البلده
شفتي تأثير البسطه ومحتوياتها على دمجتس .. وإلا وش دخل خط البلده في الديكور
يسلم قلبتس خيتووو على هيك طله خفيفة روح .. وربي يجعل الابتسامه دايما في قلوبكم وعلى وجيهكم
انتم التقييم الحقيقي لأي موضوع .. ويشرفني تقييمتس لا خلا ولا عدم
يسعدتس ربي ويوفقنا وياكم في الدارين
دمتي بود وألف خير
™ تشاوو .. يرحمكم الله
رد مع الإقتباس