الموضوع
:
سماجة المدونات !!
عرض مشاركة واحدة
11-12-2009, 04:19 PM
المشاركة
16
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
رد: سماجة المدونات !!
اقتباس المشاركة الأصلية كتبت بواسطة نقـآء}~
موضوع يستحق النقــآش
آنـآ عن نفسيـ واقول الصج ولـآ غير الصج
انـآ صراحه كرهت فكرة المدونه بسسب هالنسخ واللصق
وبعض الكلمـآت اللي مـآلها دــآآعي صراحه
ياخي اذا تبي تنـآم نوم العوافي مدري ليش يكتبون
صفحه خاصه وكـآمله فيها كلمتين بروح انـآم
موب لو تكتب شي او على الاقل نكته وبعدين تقول تصبحون على خير موب احسسن
صراحه المدونـآت صارت اكثر شي مجرد تفاهه سوري على هاللفظ
بسس وربي ان في مدونـآت من غير تفكير ترووح لهـآ حتى لو تدور عليها دواره موب شرط انها تكون في المقدمه
والله شاهد على كلـآمي اني مره افتقدت احدى المدونــآت بعد اجــآزتي
وتميت ادوره لين مــآ لقيتهـآ واتوقع انها كانت في الصفحه الثالثه
بسس لـآن تحس ان هنــآك مدونــآت فعلـآ تستحق القرآءه والمتــآبعه
موب شرط انهــآ تكون اول المواضيع الـوآعي اكيد بيدور على الشي المفيد والرآئع واللي يستحق
اني اضيع وقتي عششـآنه مهوب شي مــآ يستــآهل
1) تأيد/ين انه تنحط شروط وتعليمات لقسم مدونة الأعضاء؟ .. وإن كانت إجابتك نعم .. وش الشروط اللي تشوفـ/ين إنها ضروريه تكون موجوده قبل فتح مدونه؟
نعمـ وبقوه
الشروط عدم كثره النسخ واللصق
وان وجدت تكون قليله
ان لـآ يكتب اكثر من صفحتين في اليوم
او انه بين كل فتره وفتره ينزل موضوع في مدونته
موب كل يوم ينزل موضوع مــآ صــآرت
تستغرب من بعض الـآعضاء يا كثر مشــآركــآتهم بسس مــآ نعرفهم
كل هذي المشــآركـآت منكثر مـآ ينزل مواضيع في المدونه
2) اذا انتـ/ـي من المتابعين للمدونات .. وش اللي يشدك أكثر فيها؟
يشدني فيها اني اقرأ الـآحدــآث اللي تصير للـآعضأء
خلـآل يومهم
وايضـآ الخواطر والقصـآيد اللي تكوون من مخيلتهم وابدـآع اقلـآمهم
حتى يمكن اتعلمـ منهم يمكن في يوم من الـآيـآم اصير شـآآعره<<<<<اي هين =(
وفي اشيـآء تكون حلوه اذا فيها ابتكــآر شي جديد
3) أي المدونات تتابعـ/ـين؟ .. وهل متابعتك عشان اللي ينكتب في المدونه .. والا عشان صاحب المدونه؟
اولــآ مب عشــآن صاحب المدونه لـآ طبعــآ
صراحه اخـآف اذا ذكرة اسمـآء انسى احد الاسمـآء اللي تكون مميزه وفعلـآ تستحق الذكر ومـآ اذكرهـآ
بسس بقول بشكل عــآم اي مدونه تكون فيهـآ المواضيع اللي ينزلهـآ جديده علي موب اني انسخ والصق فعلـآ هذي اللي اقرآآهـآ واستمتع فيهـآ
4) سبق لك وقيّمتـ/ـي أي مدونه؟ .. وتقييمك كان عشان الشخص والا محتوى المدونه نفسها؟
نعمـ .| عششـآن المحتوى اكييد
5) رايك انه يتم تحديد عدد المشاركات في المدونه الوحده خلال اليوم؟ .. وكم أعلى حد للمشاركات تقترحـ/ـين؟
يفضل انه يتم تحدييد عدد المشـآركـآت..... يفضل الـآداره لهـآ الـأختيــآر
6) برايك فيه نوع من التميلح والسماجه في بعض المدونات؟! .. وإذا فيه أشياء ما تعجبك ممكن نعرفها؟!
للـآسف نعمـ .... ذكرت بعض الصفحــآت اللي فيهـآ كلمه او مجرد فيس حــآطه
او احيــآنـآ نقطه يعني ابي افهم وشو هالنقطه او اي حركه ثانيه
وهنـآك اشيـىء كثيره مــآ تعجبني ولكن اكتفي بالذكر
7) ملاحظاتك على المدونات :
فكره المدونــآـت بشكل عــآم جمييله جدا
ولكن يجب على كل عضو ان يستغل هذه المونه بشي رآئع ومبدع ومبتكر
لـآنه المدونه تخصك انت ولـآ احد غيرك
8) اقتراحاتك لتطوير قسم مدونة الأعضاء أو حتى المدونات وأهلها بشكل عام :
واريد ان اضع اقترآآح بسيط ان التقييم بالنجوم اللي مثل مــآ ذكرت تنشـآل لقسم مدونه الاعضاء
احسس شكل القسم من كثر النجوم مدري كيف صاير شكله
اتمنى ان تتقبلوا رأيي بصدر رحب
واذا في اي كلمه بدرت منى ضايقة اي عضو ارجو منكم السسموحه
ولكن هذا كله حتى نرتقى بـآفكــآرنـآ وعقولنـآ
الـآخ القدير سعد}~
طرحت فاجدت في الطرح
دآئمـآ مــآ تفـآجئنـآ بموآضيعك القيمه
وحرصك على رقي منتدآنـآ الغـآلي
وعلى رقي افكـآر وابدآآع اعضآئنـآ الكرآآم
الله يحرسك بعينه التي لـى تنـآم
ودمت بود
ونقـآآء
يا هلا والله بأختي
نقآء
ويحرستس إن شا الله من كل شر وظالم
والله محد يلومتس لو كرهتي فكرة المدونات بسبب الأشياء اللي ذكرتيها
لكن مو معناتها الواحد بسبب هالأشياء مثلا يغير رايه وما يحط له مدونه وهو ناوي
بالعكس أي واحد يقدر يفرض نفسه بطرحه وأسلوبه ومحتوى مدونته
ودام الشخص يحس عنده شي يقدمه من نفسه أكثر من الاعتماد على الأشياء الجاهزه طول الوقت .. فصدقيني راح يتميز بمدونته ويكون له متابعين
ويكفي المثال اللي جبتيه عن نفستس .. وإنتس رحتي تدورين مدونه في الصفحه الثالثه من قسم المدونات .. بس عشان حريصه على متابعة محتواها اللي شفتيه يستاهل
بمعنى إنه موب شرط تكون المدونه في الصفحه الأولى عشان تنقري .. المتابع راح يدورها لو بعد كم صفحه
بالمختصر المفيد .. كل متابع له اهتماماته اللي ترضي ذوقه .. ويلقاها في بعض المدونات
والأكيد إن كل المدونات ميب سيئه .. حتى اللي فيها نسخ ولصق .. بيكون فيها أشياء طيبه
بس ملاحظاتنا .. هي بخصوص بعض الردود الفارغه .. أو المكرره من كثر النقل .. أو التميلح اللي ما له داعي ببعض الكلمات
يعني لا يخلون العالم تضيع وقتها في شي .. أقل ما ينقال عنه .. يعني شوفوني وبس
والا بس عشان تزيد المشاركات .. حتى لو على حساب الذوق العام ورقي المنتدى
ياخي عطني موقف فيه نكته توسع صدر اللي يدخل .. شي من يومياتك .. أمنياتك وأحلامك .. إحساس خاص فيك لو بسيط وبأسلوبك .. أي شي بس لا تنسخ وتلصق 24 ساعه والا فيسات وتقول فضفضه
وما أنسى فيه ناس .. الله يجزاهم خير .. حتى لو ما لقوا شي حطوا آيه قرآنيه أو دعاء من باب التذكير
وهذا شي طيب ومفيد .. أحسن من فيس .. والا كلمة بنام .. برب .. الخ
على الاقل اللي يدخل تكسب أجره إنه يقرا الآيه أو الدعاء .. ويمكن يجيك منه دعوه في ظهر الغيب
بدل ما يجي يفتح المدونه ويلقى شي سامج .. يقول الله يخلف على أمن جابتك
والا الحمد لله على نعمة العقل
مشكوووره يا غاليه على الصراحه <<حاسها تتكلم من قلب
>> والاقتراحات الرائعه اللي أتمنى إنها تكون محل اهتمام الاداره وتنفيذ لو بعضها
وكلامتس بحق أخوتس شهاده أعتز فيها .. لا عدمنا هالروح النقيه
اتمنى ان تتقبلوا رأيي بصدر رحب
واذا في اي كلمه بدرت منى ضايقة اي عضو ارجو منكم السسموحه
ولكن هذا كله حتى نرتقى بـآفكــآرنـآ وعقولنـآ
ورأيتس نتقبله ونحترمه .. سواء اتفقنا معه او اختلفنا
وإن شا الله ما فيه أي مضايقه لأحد .. هدفنا كلنا الارتقاء للأفضل
واللي بيزعل من كلمة الحق الله يسهل دربه
يالله عاد وأنا أخوتس .. جربي بعد ما قريتي كثير من المدونات .. وحاولي تصيرين شاعره والا كاتبه .. خلينا نشوف أسلوبتس .. ترى غيرتس موب أحسن منتس
<< ناوي يوهقها
يسعدتس ربي ويوفقنا وياكم في الدارين
دمتي بود وألف خير
™ تشاوو .. يرحمكم الله
مؤشر يلامس هذا التصميم
فيصدح "
صوت أخاذ"
بترنيمة مؤثرة
تحاكي بعضاً من
إحساس مكبوت
أتعب الحال
تـنـــويه :
(
حرفي/ بقلمي ولا حلل الله اللاطشون
)
عبارة أتمنى أن تجد صداها في كل ضمير حي
سامح الله من تراجع عن خطأه في استعارة أحرفي
ومن استمر .. فالله حسبنا وحسبه !!
رد مع الإقتباس