أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
في مواضيع سابقه مرينا على طفولة بعض السحالي في منتدانا الجميل .. واختلفت ردود الفعل كل حسب نظرته
الان .. نمر بلمحه بسيطه على مرحلة الشقاوة وهي اللي بعد الطفولة .. وبنشوف النتيجه
ثنائي السحالي المدهش .. الزعيمه شيطونه وسكرتيرتها سمنتووه
من صغرهم يحبون الشعبطه ويتعلقون في السيارات والأوادم <<ما يقصد إنهم لزقه>> .. يرجعون للبيت حالتهم حاله .. الوجيه سودا يا من شكمان سياره .. يا حاكها كفر ... وهم زبائن دائمين للمستوصفات والصيدليات بأسباب الجروح الدائمه من الشعبطه .. رجل الوحده منهم مشهبه والجلد طبقات <<أبوك يالنعومه>> كنها ضب
وهنا الثنتين مستمرين في الوجوجه (التفحيط من مكان لآخر) .. وواضح من مسكة اليد من هي القائد .. لا وتستعرض برجلها .. شفتوا إن الكلام اللي فوق صحيح
الفراشه النائمه .. مشكله تعانيها منذ الصغر وارتبطت بها حتى بالاسم .. ألا وهي مشكلة النوم
ما عاشت طفولتها زي باقي السحالي <<يخوطفون من مكان لمكان>> ولم تستمع بشي اسمه فترة نمو السحالي لأنها دايما نايمه
صحيح كانت وش ملحها وهي صغيره ومريحه أهلها <<ما يشيلون هم وين راحت عارفين إنها نايمه في قرنة ما>> لكن هذا أثر عليها إلى ساعتكم .. أدمنت نوم
وهنا نفسها تمارس هوايتها في مكان ثاني بعيد عن الأنظار
جولييت .. دايما تحوس على أهلها وعشان ما تنلزخ تزبن <<تستخبى>> يا تحت كرسي .. يا مع ملابس .. المهم إنها تسوي حركات ما لها داعي وتفرك << طيب ليش تسوين حركه منتي قدها
وأحيانا تسوي قويه ما تخاف .. شوي إلا اللي بآخر الشارع يسمع صراخها .. شوفوها بوسط الحمام مسويه نفسها تمون عليهم وآخرتها صوت اسعاف
شاكيرا حاليا .. عربجيه زاحفه سابقا .. من الطفوله وهي تحب تلطخ وجهها بأي شي .. بويه .. فحم .. فازلين .. المهم لازم تحوسها .. كن عندها احساس لين كبرت بتكون ميولها فنيه <<هين من جنبها>> وتشبه فنانه أجنبيه .. عاد ذيك الأيام ما بعد طرا على شاكيرا نفسها إنها تصير شاكيرا .. عربجيه زاحفه سبقتها في التفكير
سيلانيه منحاشه .. وش حليلها أول ما صارت سيلانيه ولايق عليها الاسم ومدرعمه مع العالم
لكن من يوم بدت تعاني من ملاحق أميرة بكلمتي لها اللي كان همها بس تحدحد سيلانيه من حاره لحاره <<غطت على الجوازات>> هذا قبل تصير كفيلتها ..
هذي هي زابنه في مكان وتقول يا رب ما تطب علي أميرة بكلمتي وتصيدني
أميرة بكلمتي .. ذكرنا سابقا إنها تعز حلاو المصاص لدرجة الإدمان .. ما يهمها أي لون أهم شي حلاو مصاص إن شا الله حصاة المهم لها عود تنمسك به .. وهنا باين تلطيخ الوجه
وهنا بعد ما كبرت شوي .. واضح تأثير الحلاو على أسنانها .. ما علينا .. هي في الصوره برضه تهدد سيلاينه منحاشه .. ماسكه ذا اللي مدري وش اسمه وتوجه لسيلانيه رساله تقول إذا مسكتك بأسوي بك كذا
سموووها .. تنسيم منذو الصغر .. وكانت تطبق التنسيم بطرق مختلفه .. يا زاعقه في وجه سيسي
يا رابطه واحد من اخوانها في سيكلها وخذ يا تفحيط توجوج به لين ينهبل وإلا يغمى عليه من الروعه
يمكن يكون فيه رجعه ثانيه لنفس الموضوع إذا احتاج الأمر