من خصايص عنود الصيد كثر الطواري =و عادة الظبي يجفل ليتحرك ظلاله
مايصيد الجوازي كود بخص و داري =القنص بالركاده و التسرع جهاله
و لا يعرف الطرد من لا يعرف الصحاري=ماتعرض سموم و لا تعرض شماله
كل درب عليه من المخاليق ساري =للسوالف رجال و للشكاله رجاله
و انت عشقت حياتي يا غزال البراري =اتفاول بوجهك سعد من صرت فاله
انت و الله حبيبي و انت و الله داري =إن نظرة عيوني يم غيرك جماله
ما نقطع سيل حبك بالمعاليق جاري =كن قلبي خلقه لله لحبك سباله
ليتني يا قمرها غار منها نهاري =حيث وصل الموده همسة في لياله
ليت واهج غرامك مثل وجدي و ناري=مير ماظن في دنيا المحبه عداله