(حديث الصمت)
..................
احب الصمت وجنونه..
وصمت الصمت وسكونه..
وهذي فلسفة حبي.. وذا قلبي
أخاف اشكي .. واسبب جرح
أخاف اشكي .. وأكدر فرح
أخاف اشرح .. ولا أوفي
ويضيع الحب.. ويضيع الشرح
حروفي قاصرة جدا

وأنا قاصر بفن الطرح والإلقاء..
معك أنت..
أجر المبتدأ..
وأنصب وأضم الياء
أنا خريج كلية اصول الحب
أعرف الجرح من نظره..
وأعرف الطب..
ولكن علتي التعبير
أحس اني صغير كثير
في التعبير والتصوير
وأحس أن الحروف أقزام
أمام الشوق والإلهام
وأشوف إن الكلام يضيع
مثل ذرة بكون وسيع
إذا ما قلت بكتب لك
ترى في الصمت آلاف اللغات تعيش
وفي وسط اللغات.. حروف
تطير بلا جناح وريش
تغرد والنظر يسمع
تقول لين الفجر يطلع
بلا تمثيل..وبلا تضليل
تترجم حالة الاحساس..
بلا احساس
تغني أنت أعز الناس..
وأحب الناس.. وأغلى الناس
حديث الصمت
يازينه حديث الصمت
بين عيوني وعيونك..يخلى نبضك الولهان
يسافر في شراييني
ويخلي قلبك الشفقان..
بلا صوت يناديني
حديث الصمت..علمني
أنا اشلون أعد
مساحات العمر كله
وأسابق مستوى التفكير وأشله
وأفكك لغزك المدفون وأحله
لجل حبك أنا نجم غدا ساطع
وفي حبك أبتمرد على الواقع
ابكتب الف قاموس..
يضم اول حروف أسمك
ويصنع للفرح ناقوس..
يدق آخر حروف أسمك
ترى حبي وكل الحب..
قطره من بحر حبك
أنا مأقول أحبك...
قديمه قولة احبك..
يتيمه قولة احبك..
عديمه قولة احبك..
سخيفه مالها معنى ولا مضمون
سخيفه مثل شمعه..
بشمس الكون
تعديت الهوى والحب
أنا في مرحلة لاحب....
تفوق الحب
تفوق الوصف والتوصيف..
والتأليف والتخريف
أنا حبي تعدى الحد..
أنا يالغالي الغايب
مثل جمره..........بعز الصيف....
....... ما تـــــــــــــــــــــت بـــــــــــــــــــــــــــــرد

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ودمتــــــــــــــــــــــــــــــــــــــــــــــ ــم لي