أحمـد يقـول أسـم الرجاجيـل واحـد=ألاسـم واحــد والعـقـول اطــوار
الاسـم واحــد والمعـانـي كثـيـره=مثـل المعـادن فـي يــد البيـطـار
من لـه نظـر ثاقب يميـز طبوعهـم=يفـهـم نـوادرهــم ولا يـحـتـار
فيهـم كمـا الفضـة وفيهـم جواهـر=وفيهـم تنـك يبـرق علـى الفـخـار
وفيهـم كثيرالهـرج مـن غيرمعـنـى=وسـط المجـالـس واحــد ثـرثـار
وفيهـم كمـا الفـولاذ لـو قـل زولـه=زولـه صغـيـر ويـرجـح لمـقـدار
من بيضـة القبـان شـوف التجـارب=جـرب تـراهـا تـرجـح القنـطـار
وفيهـم كمـا عودالعشرحيـن صبوتـه=لـو تمسكـه بيـدك يـروح اكـسـار
فكر تـرى عودالعشر مايـجـي عـصـا=ايـضـا ولايشـقـى بــه النـجـار
وفيهم ذهـب إبريـز يفـرح به صاحبـه=لـو يخزنـه طـول الدهـر مـا بـار
إصرف ذهب واخزن ذهب واترك الردي=يامسـعـد الـلـي يـربـح الديـنـار
مـن يربـح الدينـار ينسـر خاطـره=يفـرح ولـو مـال الزمـان وجــار
وفيهـم ثقيـل الـدم علـه لصاحـبـه=مكـاس واعمـالـه بــدون إعـيـار
غصباً يجيـب الضيـق بينـك وبينـه=وليتـه لــزلات الـخـوي صـبـار
تجنـبـه قــدام لاتبـتـلـي بـــه=وإن كنـت عاقـل تــدرك الإخـبـار
خلـه يلاقـي لـه لعـيـب يلاعـبـه=الـجـد بـيـن الأحمقـيـن عــوار
واحـد يضيـف الميتـيـن بساعـتـه=وإذا قـعـد يحـمـل ســداد الـثـار
يغـدي طريقـاً والمـطـارد يـطـارده=ولا لـه عـن ضيـم الرجـال قــرار
امـش مـع رجّال يحفـظ مقـامـك=عقـب الجميـلـة يطـلـب المـعـذار
ياجاهـل المعنـى عليـك بنصيحـتـي=إعمـل بقولـي واحـفـظ الاســرار
تـرى الفنـون مقسمـه بيـن عشـره=مايدركـهـم إلا واســع الأفـكــار
الفـن الاول عـالـم تقـتـدي بــه=سلـك طـريـق الـسـاده الابــرار
شيـخ حليـم ويتبـع العلـم بالعـمـل=عـلـى رحـابـه تكـثـر الـــزوار
والثانـي وجـه النـدي طيـب النبـى=سنـه ضـحـوك ويـكـرم الخـطـار
تلقاه راضي النفس عجلاً على القـرى=عبـد الضيـوف إكبارهـم وصـغـار
والثالـث قـرمـاً يـفـك المشـاكـل=لاجــد مابـيـن الـرجـال إخـطـار
ورجـل فكـاك النشـب حـزة الطلـب=مــا يقـبـل الـرشـوة ولا يـنـدار
هـذا مثـل النـور فـي ليلـة الدجـى=يسـرى بنـوره والليـالـي إعـكـار
والرابـع اللـي ينـذكـر بالجـرايـب=إلـى صـاح قـدام الرجـال وغــار
رجــلاً مـقـدم يـحـب الشجـاعـة=يلطـم غريـمـه بــأول المـشـوار
قرماً رخيص الـروح مـن دون جـاره=يستاهـل البيضـاء عـزيـز الـجـار
لو لاش راسه موقفـه موقـف الكـرم=إن كـان مـاهـو باللـقـاء غــدار
إن كان مايطعن علـى وضـح النقـاء=تغشـاه مـن شكـل الـسـواد آثــار
سـوق الشجاعـة حقهـا بالمنـاحـه=تنبيـه واستعـداد يـا اهــل الـكـار
والخامس اللـي مايجيـب لـك فايـده=يخلـط ولا يـربـط كثـيـر أهــزار
امـا عرفـت امـره يغـرك بقـولـه=يـتـوهـك ويـتــوه الـخـطــار
والسـادس رجـلاً مايبـعـد الخـطـا=عايـش علـى القلـه قليـل اسـفـار
والسابع اللـي ضيـع العمـر بالهـوى=تــرك عـلـوم الطيبـيـن وســار
خسـر ثلاثـاً مايـعـوض بغيـرهـن=لوعـاش حتـى تنـشـف الابـحـار
الاولــه ديـنـه والثانـيـه شبـتـه=والثالـثـه مــا يحـصـد البذّار
لمـا رجــع لله بتـوبـه نصـوحـه=صحيفتـه تصـبـغ بـلـون الـقـار
والثـامـن الـلـي كـثـر الله مـالـه=واعطـاه ربـي كــل مــا يخـتـار
ان كان مـن اهـل الباديـه يذكرونـه=ولايـعـد مــن اكـبـر الـتـجـار
لكـن شــوره مايـفـارق حليلـتـه=مهمـا تديـره سُـرع مــا يـنـدار
جبـان لا يطعـن ولا يـنـدرق بــه=عايـش ذلـيـل ولا يجـلـي الـعـار
والتاسع اللي بالعـرب يـزرع النشـب=شـايـف لسـانـه كـنـه المنـشـار
رمـاي مابيـن الصديـق وصديـقـه=مـن فتنـة تغـدي الـبـلاد ادمــار
والعاشـر اللـي حـط بالحـال مركـزه=دايـم وهـو فـي بهـذلـه وشـكـار
يجـري علـى رزقـه ولمـا يحوشـه=حـالاً يحـول بـه عـلـى الخـمـار
يبات نشوانـاً علـى الكـاس والطـرب=وفـي الصبـح خنزيـر عليـه إغبـار
واللـي يضيـع مربـحـه بالخـسـاره=هـذاك مـن دون الـرجـال حـمـار
والله لـو ان المـوت يجـي بخاطـري=لابيـع مـن شكلـه كثـيـر انـفـار
لابيـع بالالفـيـن والألــف مثلـهـم=وافـدي بهـم واحـد بعـيـد اذكــار
واحد يسـاوي الفيـن والفيـن مثلـه=والـحـر مــا ينـبـاع بالـشـنـار
لكـن يـا الربـع المنـايـا مقسـمـه=ان المنـايـا تـقـصـف الاعـمــار
يمـوت جيـد القـوم مـن بعـد ميـه=قلـنـا خـسـاره والعـمـار قـصـار
والنـذل لويقـصـر بعـمـره منـيـه=قلـنـا يـعـوض تعـبـه الـحـفـار
لحيـث ألـقـت رحلـهـا أم قشـعـم=عنـد أم عامـر فـي كثيـب إهـيـار
ذولا الرجـال إلـي شرحنـا فنونـهـم=ولنـا مـع الجنـس اللطيـف امــدار
أذمهـم بالقـول وامــدح خيـارهـم=لابــد مـافـي الغانـيـات خـيــار
لابــد فيـهـم طيـبـات العنـاصـي=الاســم علـقـم للـجـراح جـبـار
خضرالنواصي والادب يلحـق النسـب=ولاجـاك مـن بعـد القـراح عـكـار
لكـن يـوم يذكربعضهـن بخـاطـري=اقـل عسـى بعـض النـسـا للـنـار
اَه ..النسا مسكيـن مـن يامـن النسـاء=لـو يضحـكـن اضحوكـهـن قـمـار
ان جيتهـا بالضيـق يلقـاك دمعـهـا=علـى عــوارض خـدهـا مــدرار
ترضيك مـن غمـزة وتلعـب بعقلـك=وتغديـك لعبـه فـي يديـن صـغـار
عمارنـا منـهـم ومنـهـم دمـارنـا=ولالـنـا عــن ولفـهـن مـطــار
وعنـد هـذا البيـت قصـرت قـولـي=وعنـدي لوصـف الغانيـات اســرار
الغامـدي جـاب المـثـل بالتـجـارب=لان التـجـارب تحـسـن الاشـعـار
من دارفـي الدنيـا وعالـج دروسهـا=مـا يجهـل المنصـف مـن المـكـار
انـا الـذي قاسيتهـا مــا نسيتـهـا=ادروس مـا تخفـى علـى الشـطـار
شربت من كـاس الهنـا فـي بـلادي=وبعـد الهنـا شربت كـاس امـرار
ومن بعدها فارقـت قومـي وعزوتـي=والـلـي يغـيـر ديـرتـه بـديــار
تجيبـه الايـام غصبـاً بـلا رضــى=عـلـى هـواهــا والـفـلـك دوار
يامـا ليالـي بــت اساهرنجومـهـا=حتـى لحـق ضـو الصبـاح نـهـار
شايف نذير المـوت خالـط عوارضـي=والشيـب عـنـد الغانمـيـن وقــار
يالله يامطـلـوب تغـفـر خطـيـتـي=أنــت العـزيـز الـواحـد القـهـار
واختم كلامي بالنبـي اشـرف الـورى=طــه الهاشـمـي كـامـل الانــوار