أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
ههههههههههههههههههههههههه أما كتمه .. شكل معمولتس مغشوش .. مجمعتن ثيّل وصابغته وقايله مبثوث << بث خلاث
يعني ما يكفي فولنزا الخنزره .. بتصوّلين علينا الحساسيه بذا المختبر اللي حاطته عند البسطه
شكلتس تذكرتي فرقة الطقاقات وتهيضتي .. يا موضي بسطه على غفله .. وبديتي تشغلين المداخن .. يعني لازم نوضح انتس صبابه قبل تغيرين نشاطتس وتفتحين البسطه مول
بس انتي اشوى من غيرتس .. فيه ناس دجوا بعد الفرقه .. أم النوم كثر نومها عن الاول .. وريوحه آخر العنقود راحت تكمل دراسات عليا في العزف على الكيبورد .. وشيطونه حطت حرتها في التصاميم بعد ما كانت تعبر عن أحاسيسهم بالرقص والمطامر
وبعدين هذي مقدمه والا تشويه سمعه .. وش اللي رجه وصرقعه وهستره <<يعني انه عقل>> الا ما ودتس تضيفين والدوجي في الشوارع وترجيم العمال وخلق الله
على خلطة ذا المكسرات .. الله من زين الضروس الحين .. كملت صعرور ومكسرات .. أنواع الصرقعه والصواريخ في الخشش .. تسمعين تفحيط الصعرور بين ضروس الوحده اللهم يا كافي .. تسنها سيارة دوريه ورا مفحط << كفرات تصرصر
ووش ذا الحتسي .. أحد قايلتس إني جاي أقص بطاقه؟! .. جايبتن جميع الأسامي والألقاب .. تسان كملتيها وجبتي اسم شارعنا .. وعامل البقاله اللي يفرفر في الحاره يوصل طلبات
وش اللي خالي سعيد؟ .. أنا اوب خال أحد جعل العدو الخلال << مطنقر غلط
المعذره على مسكة الخط والشطحات خيتووو .. بس شكلي تحمست مع ذكريات الفرقه والأيام القميله
نبدا بالإجابات /
ا_ كم عدد المضافين عندك ؟
أول كانوا واجد .. يعني ما أعدهم دايم .. بس حسب .. أحدن يحذفني وأحدن أتسحته .. يعني أحذفه
الحين حول 13
واللي أهذر أنا وياهم شويين .. عشان تفاوت الدخلات وأحيانا اللي ما له خلق يدق اللطمه << يعني اوفلاين
2_ وش رايك بالمسن الجديد الغبي الي هو 9 ؟
بصراحه ما له داعي .. أول شي صفحته غبيه .. أنواع الفضايح
يا دعاية اوب زينه تطلع .. يا يقعد يطلع كل المضافين عندتس وش سووا .. خصوصا صورهم الرمزيه وتسذا .. اللي هي الميزه المسماة الجديد
يدبل التسبد إذا صار ما فيه أحد طبعا .. وإلا صار زحمه مره ما يمديتس تلحقين تردين على أحد عشان تسذا .. تكون اللطمه هي الاختيار الأقرب في تسثيرن من الحالات والاتصالات في المسنات
4 - هل تستخدم الايقونات وان كنت تستخدم اسدح اكثر 3 ايقونات تستخدمها؟
الله الله استخدمها وبشكل كبير .. لأنها تختصر التعبير عن بعض الحالات .. إذا الواحد يضحك والا مطنقر والا يبتسي من دبلات التسبد
أكثر شي استخدم
يالله اللي عنده أسئله فليتفزل .. بس بدون تحجيرات .. لأنها بتكثر التصريفات