أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
في غير الزمان
في نفس المكان
مرتني الذكرى وانا واقف
في ذا ضحكت ايام لكني بكيت
في ذا حلمت احلام لكني صحيت
ومنها ابتديت وفيها انتهيت
إلا من الذكرى
قالت لي الذكرى كلام عني
كلام والله بغيت انساه
وصاحت ربابة شوق واثر النغم مني
يشكي وانا شكواه
وغنى صوت في ليلة فرح
وهلت عين وقلب انجرح
في صوتها جرح او تعب
وفي عيونها نظرة عتب
وشفت ابتسامه عليها هلت الدمعة
ونظرة ملامه من الماضي على ربعه
وانا مع الذكرى
في نفس المكان
في غير الزمان
.
.
تعطيني الذكرى ولا تاخذ ابد
تحكي لي الذكرى ولا تسمع لاحد
وانا عندي كلام ممنوع حتى عن الخاطر
لا ياخذه امسي ولا يقبله باكر
ماقدر اوضح غايم الصوره
ولا ازود للمسا نوره
.
.
الله يا ذكرى ياما فهمتيني خطا
يا ما قدم رجلي على جمرك وط
واليوم هيضني هواي
اشكي ولادري وش بلاي
هو من شقاي اللي مضى
والا هناي
وانا مع الذكرى
في نفس المكان
في غير الزمان
تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي