أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
ياحلاتك بس سنا..
عاد يومكم وايد خفيف وحاستك تركضين فيه..^ـ^..
اقصد بكلامك..
عاد طلعتوا للبر وبعد خرفانكم معكم وكان بمقدورك تجمعين
صور وايد لكن ليش ماجمعتيها لنا..
والله طلعة البر وناااسه..
كنت اتمنى تتبعين كلامي ومتتطلباتي للموضوع..؟
لكن مايخالف يالغاليه يكفي انك اعطيتينا من وقتك
وخليتينا جزء بسيط من عيدك..
ولك احلى تقييم مني غلاتي..
وياحلات بنت اخوك وربي يحميها ويحفظها لكم...
واحتفظي بصورك العائليه ووقت تروحين ثاني
سلمي لي على اهل البدو عطريقك..
لاهنتي عالصور وعتليقك لكن منها..
تقديري واحترامي...
للآسف مآفيش صور آلجوع كـآفر هع < آبد دآيخه أبي آنـآآآم
بعد آلغدآء رجعنآ البيت أنا وأخوي أما الباقي جلسوا في بيت ستي ..
سحبتهآ نومه صحيت على آلمغرب .. وألقي مكآلمآت لم يرد عليهآ بالهبل
من مآمآ وخآلآآتي .. كنت موآعده خآلآآتي نروح لخآلتو أم فيصل
.. بس النوم ومآيسوي ..
جآء أخويآ أبو مؤيد سلم علينآ وأخد شنآطو وسـآفر ..
ورجعنآ لبيت ستي ..
اااااااااااااه وربي مانساه طوول حياتي كرهت شي اسمه استراحـــااات
ولد اختي عمر سنه وثمان اشهر مره صغيــــرمن زود الهياط الي فيه طلع من الاستراحه>< يعنيني فاهم في الحياه وباخذ راحتي مدام ابوي مسافر ..<<وضــــــــــاااع علينا هنــــا الفاجعــــــــــــه.......>> دورناه ماخلينا مكان كل واحد من العايله خذا سيارته ويدور عليه ......................>
تعالووووو تشوفون حالنا >>اللي اغماء عليه والي يبكي انواع الحالات خلاص قلنا انسرق >>تعرفون هالايام كيف سرقت الاطفااال
لانو موقع كله استراحاات موقع الثمامه
دورنا في كل مكاااان مالقيناه
فجاه>>>تحمستوووو اعصـــــااااابكم ونتو تقرووون يمــــــــه
^
^
^
^
لقينــــــــــــــــــــــــــــــاااااااااااه في الشارع الثاني بعد وقت طويـــــــــــل في البحث مره بعيد عن موقع استراحتناااا
الدنيا باقي بخير رجال يشيله ومعصــــــــــــــب شوي يكفخ اهلي يهاوش وينكم عنه....>>ياليت كفخهم اشوف اشكالهم
وجابه لنا اخوي بعد مشقه وتعب وبكااااء وفقد امـــــــل ....اللخ
لانو شايفين هالايام كيف خطف الاصغاااار>>ياليل عالفلسفه
اول مارجه رجعت الحياه لامـــــــه و لنا كلنااا وجلسنا مفهييين من الاكشن اللي سواه وكل واحد يسال كيف طلع ؟؟!! وغريبه محد شافه منكم؟؟....<<<طلع العايله كلهم متحمسين مع الشوي حتا الخدم ومحد انتبه ياااربي هالتنـــــــــاحه علي حتا انـــــــــاااا>>>>>
وغريبه محد شافه من الاستراحات اللي جنبنااا؟؟......الخ
عااااد انا ابي اهون عليهم يعنيني اسوي جو قلت يمكن شـــافوه اصحاب الاستراحااات اللي جنبنا وقالوا شكله من الاقزام ومانبي نحرجه او نقوله اي شي يمكن عشان كذا خلوه على راحته يتمشاااا>>ادري بايخه وماتضحك بس ينقالي اهون عليهم صدمتهم....)
><<اللي ضحك<< واللي يناظر فيني بطرف عين يعني انكتمي مو وقتك تنكتين
وبعدهااا ورحت البيت الساعه 12 كرهت الجلسه
بعد يوم شاااق ومتعب
ابدي لكم عيدي..
وعسى اعيادكم كلها الوان مثل هالصفحه..
عيدي كان بايخ ماله معنى بجد وماحسيت فيه ابد..
هالعيد متعوره قولوا مكسوره..قولوا تمزقات قولوا
التواء بكيفكم كل واحد حر اهم شي متكسره وماقدر امشي
وصار لي على هالحال اكثر من شهرين..
وحالتي جد يرثى لها..صورت لكم هالصوره بغرفتي طبعا
وبالدس قبل لاحد يدخل...عاد اعذروني كل الصور صورتها
وانا شاطحه عالكل عالسريع يعني..
طبعا تونا ناقلين بيتنا الجديد ماصار لنا والبيت يبي له تعديل
طبعا او كان صورت كل شي غرفتي انا واختي التوم..^ـ^..
قلت والله مانام بغرفة صبغها مو مريحني فقلت بنصبغها
بنفسجي لكن اختي ارفضت اذيتينا بها اللون وتبي اهيا اصفر
قلت وع والله ماتصبغين فيه..تخيلوا اصفر
فالاخير اتفقنا على موف قريب للبنفسجي..
شلت اغراضي كلها ورتبت المكان يعني الغرفه معفوسه
قطيت اغراضي ورا وصورت بمكان مرتب.^ـ^..
عيدنا ماكان بالبيت كان عند جدتي ام الوالد..
كل عيد عندها طبعا تبهذلت على بال ماطلعت
من البيت..
وخروفنا كان معنا اكيد كم صار له عندنا واول مره اشوفه
بها الصوره نزلت وشفته مع البنات لاني مااطلع من غرفتي
الا قليل ومااحب ريحت الخرفان وع ولااحب اقرب منها..
كنت بعيده عنها والبزران يعرفون اني اخاف منها كنت اشرب
كولا والكل حاط عينه عليها وانا رفضت اعطيها لاحد..
او احد يشرب منها..^ـ^..
الكل يمر بقربي ويالله يبون ياخذوني غصب للخروف..
عاد عصبت عليهم ومن العصبيه نثرت الكولا بالارض وقطيت
الدبه على الخروف من حرتي وزين ماتعور..
عاد لاعصبت على احد وخروا عني مااحب احد يقلي ولا كلمه..
وقفه كاريكتير العيد..
الجو كان جد بارد ومعروفه الجنوب
برد دايم مايحتاج اقول لكم..قمت التف وجوالي معي شنوا صور يالجونه
شنو تصورين...
دشيت وقلت اشوف البنات شنو يعملون..
وشفتهم قالبين مطبخ جدتي قلب لو دشت كان طاحت علينا..^ـ^..
عاد وناسه وقت روح لها مطبخها متروس من كل شي كل مالذ
وطاب اعمامي وقت يزورونها يترسون الثلاجه من كل شي
مايكفيها لشهر واكثر بعد..
البنات يخمقون ويعملون حلا وانا قلت ابي ادخل معكم
اساعدكم بشي..على طول اوت
قلبي وجهك عاد
مانبي منك شي واوت لااحد يدقك وتصارخين علينا..
قلت امبلا غصب بدش ودشيت واهما اعملو كل شي
بس زينته بها القلوب كان وايد شكله حلو فيها قلوب لو تعرفون
من وين جيتها لاتموتون من الضحك..^ـ^..
طريقته وايد بسيطه مايبي لها حلا الاوريو..
عاد مانحب ناكله مباشر فنضيف عليه كذا اضافات
ويكون الطعم ولااحلا وطبعا مكون من 3 طبقات
مثل ماتشوفون الحين..^ـ^..
طبعا الحلا كان وايد وبعد موجود ترت اكيد..تدرون شحقه هذا كله
ولد عمي حمد طالع من السجن بعد حبس استمر 3 شهور بسبب
هواشه مع بنيه باحد المجمعات بأبها وماله داعي اقول شنو صار
له سالفته متروسه بجرايد الديره كلها الكل تكلم عنها..
اهوا طلع يوم العيد اول مادش بيت جدتي شوفوا الدموع والكل
يبكي وصراخ وامه في خبر كان من كثر مابكت والرشاشات
وكل شي صار..كنت ابي اصور الطلق الي صار بس فشيله
الولد جاي وانا اصور وماعلي من احد يمه قدام اعمامي
واولادهم مااصور فشيله..^ـ^..
هذي اهيا الترته ...وغمسه الايد ايدي لقافه ابي اذوق
طعم الشوكلا..
احتفلنا فيه قبل المغرب طبعا وباليل
كان عندنا عزومه لجله ذابحين نذر وللعيد بعد..^ـ^...
قلت يابنت روحي صوري لمنتداك واول مادشيت الغرفه
طلع عمي بوجهي واهوا ساكت لي من الصباح كله
اصارخ ومو رايقه لاحد وبعد اصور..طالعني بنظره اقلبي
وجهي لايدخلون الرجال..رجعت لورا وصورت صوره عالسريع
وهذا للي طلع معي..^ـ^..مو واضح لكن اهم شي لحم صح..
بعد ماخلصنا ابوي ينادينا اعملوا لنا عصير الفاكهه..
مادري اذا تعرفونه..الكل طيااااااره راح يعمله عاد ابوي
موته ولااحد يتاخر عليه بشي مايحب ابد..
وكلن يشتغل لجل لايصارخ ابوي..وقلت لهم وانا ابي اعمل العصير
طبعا اوت ثاني برا واقلبي وجهك..؟
قلت عاد كل وحده تقلب وجهها يالله وانا بعمله وربي مااحد
يجسه غيري..وعاد قلبت دروج جدتي كلها وغصب لقيت
صحون زي الخلق والعالم..^ـ^..كلها راحت بالعزومه هذي..
وعملته وتسلم يميني..وطريقته جداااااا سهله مايبي لها عنا
مجرد عصير برتقال يتم عصره ثم تضيقينه
بالصحن وبعدها تقطعين فواكه
موجوده عندك وترصينها بالصحن والافضل تكون موز وتفاح وكمثرى وعنب
وكرز لانها اطلعم وبعدها تعصرينا لفرواله بشكل بسيط مو تنهينها
ثم تزينيها من فوق بأي شي وانا زينتها برمان..
وبس هذا اهوا عصير الفاكهه تبعا للبنات انا اسميه كذا..^ـ^..هذا اهوا..
وقفه بسمة الــ ع ــيد..
خروف مقدم على هجرة
ليش؟
لأن بلاد الغرب
ما يحتفلوا بالعيد
بعد هالعنا خواتي اعملوا لهم عشاهم مساكين رحمتهم يكرفون
بها البيت وانا مريحه والكل حاقد علي..^ـ^..
عاد اعملوا لهم دجاج وصينيه ومكرونه بالباشميل..
مايحبون اللحم بس دجاج وطالعوا شلون شكله تارسينه ليمون
وخضار لوقت مااختفى الدجاج يحافظون على اجسامهم رجيميعني..^ـ^..
بعدها اجتمعوا البنات وراحوا ينظفون البيت طبعا كل وحده بصوب
وان احوس ماوراي شي..دشيت غرفه جدتي ولقيت فيها اختي تعدل مكياجها
قالت علامك قلت سلامتك مطوله..قالت لا بس بطلع وديري بالك على جنويته
لا يصير فيها شي اراويك قلت طيب روحي بس..
قلت جنويته طالعيني ابي اصورك..قالت لووحي..قلت طالعيني بس اصورك وراح امكيجك بعد شرايك..
ردت لووحي ..قلت حتى انتي تنافخين علي..وارفضت
اطالعني وصورتها واهيا تتمكيج وياحلاتها..
والله لو تدري اختي اني صورتها بتموتني كل شي ولا بنتها
اول خلفه لها وماتبي احد حتى يسجها..
لو تنتشر صورتها بقوقل واطالعها اختي بتجن..ماتتصورون قد
ايش اهيا تموت عليها..عاد يشبهونها علي يوم كنت صغيره ووايد
احبها بعد قلبي والله..^ـ^..
وبس هذا عيدي ترا وربي كنت كاتبه لكم اشياء وايد لكن اقفلت
الصفحه وانا اكتب وانزل يومي مت صار لي 3 ساعات في الاخير يقفل
ليش وقلت اوك واعندت والحين اعيد يوم عيدي من جديد...
اعذروني عالقصور ولااحد يظن اني كنت عامله حسابي لها اليوم
وصورت وايد ماكنت ناويه بس جوالي متروش صور وكل اللي تبيونه
موجود نزلتها لجل كل شخص حاب يعرف عيد لجين شلون..
كل عضو طلبني انزل هاليوم وتامرون امر..
من كل قلبي اشكر ام فهد ساعدتني وايد في تنسيق الصور..
وساندتني بها المسابقه مابقى شي عليها وراح تنتهي اتمنى اني
قدرت اسعدكم فيها وقدمت لكم شي بسيط...
علمت جهدي فيها والباقي عليكم...تقييمي يوصلني الحين.^ـ^..
تعنيت في كل شي واتمنى تحبون هاليوم..يالله عاد تقيمي
يوصلني كل عضو يرد..^ـ^..
تعبت بجد..
وقفه دعــاء..
اجعلنا في هذا اليوم وفي كل يوم مثله من سائرالايام ممن حقق اياتك بأيقان واجاب
دعاتك بأيمان وارزقنا الفوز بفضلك ودار الاقامة في ظلك واسلكنا الخط المستقيم
واعذنا من نار الجحيم واعد علينا من بركات هذا العيد السعيد و اليوم الجديد
بأتم النعم واغزرهاوازكى الحكم وازهرها واقرنامن وجودك مالا نستحقهاالا
بجودك واعصمنا باليقين من الشك واحفظنا بالصدق من الافك ولا تزغ قلوبنا
بعد اذ هديتناوثبتنا على معرفتك واحسن اجتماعنا بأهل الاحسان والحقنا
باخواننا الذين سبقونا بالايمان يا الله يا علي يا عظيم..
يومك وايد حلو جد ابدعتي في كل شي تنسيقك
واختيارك للصور كل شي حبيتها تسلمين غلاتي
جد ذوق وماقصرتي..
تنسيقك ولااروع صراحه..^ـ^..
لحد الان تفوقتي عالكل بمجهودك..^ـ^.. طبعا بالنسبه لي انا
كل شي كان واضح صحيح ماتكلمتي وايد لكن ابهرتيني
بكل شي..لاهنتي ومهما قلت جد قليل بحقك وقليل
بحق هالطرح الراقي والرائع كروعتك..
.. اوبس مو متذكره اذا استلمتي تقييمك مني...
عاد قليلي ايه او لا لان كل اللي هنا قيمتهم..^ـ^..
ذكرى بسيطه باللوح مني لكم...^ـ^..
الحلا وايد شكله خطيير لو قلتي لي شلون عملتي فيه
كنت شاكره لك لاني بجد احب اتعلم كل طرق الحلا
روعه شكله يشهي واشتهيته..
وماقصرتي ابد وتسلم يمينك جد تسلمين..
الف شكر..
تقديري واحترامي..
الف شكر على مشاركتك..لكن ليش ماتم اضافها لصور
كان عملتي اي صور اهم شي زودتينا فيها..
وزين لقيتوا الطفل عاد انتوا مو حريصين عليه لجل
كذا فلت منكم..
كونوا حريصين ترا روح طاهره ومو كل مره تسلم الجره..^ـ^..
عاد هذي اهيا حياتكم بعيدكم..وناسه وحسيت ان روحك حلوه..
جد تسلمين عالمتابعه ..وعلى كل شي قلتيه..لاهنتي..
ولك احلى تقييم ذكرى مني.^ـ^..
عاد من يوم مااسمحوا بالتقييم وانا بكل موضوع اقيم
الكل..وتستاهلون..^ـ^..
تقديري واحترامي لك...