| ads | ||||
|---|---|---|---|---|
| دليل المواقع السعودية | انشأ رابط لصفحاتك | اعلانات المبوبة | نشر بلس | اختصار واتساب |
الملاحظات
أهلا وسهلا بك إلى منتديات الأماكن.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
|
|
المشاركات 3,478 |
+التقييم 0.55 |
تاريخ التسجيل Mar 2007 |
الاقامة |
نظام التشغيل poems |
رقم العضوية 6291 |
03-04-2007, 03:07 AM
المشاركة
1
03-04-2007, 03:07 AM
المشاركة
1
سلسلة مغريات الشباب والفتيات3)ستار اكاديمي وافلام الاغراء
سلسلة مغريات الشباب والفتيات
المقالات السابقه : 1) مقدمه
2 ) الفيديو كليبات
الى كل من حفظ دينه وعرضه وخاف من يوم تشخص فيه الابصار الى كل اخواني شباب المسلمين احفاد الصحابه الابرار يامن سيقوم الدين على ايديكم يامن جعلكم الله قوامين على النساء يا شبــــــــــــــاب الاسلام خواتي في ارجاء المعموره وخصوصا خصوصا بنات الخليج وبنات بلدي المملكه العربيه السعوديه بلد الاسلام ومهده بلد الرسول صلى الله عليه وسلم خير انسان خلق خير الانبياء شفيعنا باذن الله , اكتب اليكم وقد احترق قلبي لما يحدث الان لامتنا الاسلاميه من ازمات ونكبات ونسال الله ان يزيلها عن قريب والجميع يدعو والشيوخ يدعون ولاكن لا اجابه هل سالتم لماذا؟ لماذا نحن نعيش في هذا الذل والهوان لماذا ؟ لماذا؟ لماذا؟................. لماذا هذه الامة مستباح دمها وعرضها وبلدها وخيراتها ؟ لماذا؟ لماذا؟....................................؟
قال تعالى( ان الله لايغير مابقوم حتى يغيروا ما بانفسهم) صدق الله العظيم .
اسئلو انفسكم هل نستحق ان يزل عنا الله الظلم ونحن نظلم انفسنا نظلم اخواتنا نظلم اخواننا نظلم نظلم؟؟
هل نستحق ان يرفع الله بنا من بلاءونحن لاهين في هذه الدنيا الباليه الفانيه ؟؟؟؟؟؟؟؟؟؟؟؟؟؟؟؟؟؟؟؟؟
نعم نصلي ونصوم لانسرق قد نكذب لاكن هل هذا يكفي ؟؟؟؟؟؟؟؟؟؟؟؟؟؟؟؟؟؟
اكثر اوقاتنا على قنوات فاسده تدعو للرذيله تدعو للبغاء تدعو لكل امر فيه معصية لخالقنا عز وجل قنوات فحش وفيديو كليبات وغيرها انا لا اتكلم عن قنوات اباحيه هذه مرحله متطوره من الفسق والابتعاد عن ذكر الله لان من تكون في بيته مثل هذه القنوات انا في هذا المقال لا اوجه له كلامي هذا , بل اوجهه لمن هم لاهين في اشياء واستسهلو الامور التي يفعلوها ويروها طول اليوم لاتصل لمرحلة ان يكون هم الشخص القنوات الاباحيه او المقاطع الجنسيه وغيرها, لا اتكلم مع من باع عرضه وباعت عرضها ارضاء لشهوة زائله, لا اتكلم عن من اضاع دينه وشرفه وانغمس في ماحرم الله من الزنا سواء من بنات او شباب, لا اتكلم عن من خالف الفطره البشريه وكان ممن يعملون عمل قوم لوط( عليك منا السلام يالوط) لا اتكلم عن الفتيات اللتي اتخذن فتيات ومارسو السحاق ,الخ .... (وراح اتكلم عن هذي الفئه اللي ربي يهديها ويهدينا في المقالات القادمه ويصبرون علينا والله اننا نبي لهم الخير وهم يدرون بذا الشي وهم اخوان واخوات لنا ومالهم غيرنا وكل واحد يحاول يصلح اللي حواليه سواء بنات اوشباب ولو كلنا سوينا كذا ما في احد كان غلط او اذا غلط ماراح يستمر فيه)
بعد المقدمه البسيطه نكمل سلسلة مغريات الشباب والفتيات
2) ستار اكاديمي وافلام الاغراء: احد منا ماسمع ماشاف ماقرى مابحث عن البرنامج وفضائحه والفسق اللي فيه, فيه منتديات عايشه على فضائحه وعلى اخباره .... هل يستحق منا هذا البرنامج التافه المتابعه؟؟؟؟؟؟؟
اذا كان في قلب الشخص شوية ايمان بس (مابالك فيك انت وفيكي انتي ) وحكمًت عقلك تشوف ان مالك ومال الناس اللي باعو الدين والعرض, لا صلاة لاعباده, بالله عمركم شفتوهم يصلون؟؟؟؟
اصبحوا بلا حياء علانية امام الملأ, يعني حتى الشخص الخربان اللي منتهي يسترعلى نفسه فما بالكم اللي قدام الملايين (تتوقعو لاي مرحله وصلو من الانحطاط) جاوبوني.
قد يقول البعض انا ماأتاثر من البرنامج انا بس اشوف وما علي فيهم يعني ماراح يجرني الى غلط ولاراح يثير غرائزي ( مافيه احد في الكون ماعنده غريزه واي واحد يشوف اشياء زي كذا يتأثر لا احد يكابر بس كل واحد له درجه من التاثير حسب قربه لربه..
يعني فيه ناس يتعبو نفسيا ليه لانه شاف اشياء غريزته تبغاها بس دينه مايرضاها وهذا اللي فيه الخير وانا موجه كلامي لهذي الفئه بالتحديد لان هذول أن شاء الله هم انتي وهي وهووانا أن شاء الله معكم .. . ليه يجري ورى تعبه نفسه ؟؟؟؟؟؟؟؟؟؟؟؟؟؟؟؟؟ غريب الانسان
وفيه ناس الله يهديهم (وممكن نحنا مع كثر المتابعه لمثل هذي البرامج الفاسده تجرنا ونصير زيهم لا انا ولا انتي ولا حتى انت وكل ماكان الواحد بعيد عن ربه كان اقرب الى الشيطان) ابتعدوا عن ربهم كثير و انغمسوا في العلاقات والحرام والزنا واللواط والسحاق (سامحوني على الجرأة بس هذا شي موجود ومعالجة القضيه انها تظهر مو تندفن ويتغطى عليها انتشر بشكل كبير اللواط, والسحاق بشكل اكبر والبنات ادرى مني ) كله من اسباب البرامج اللي تثير الغرائز.
فما بالكم من الاهل اللي فاكين النت من غير رقيب والرقيب الله و جميع القنوات( اتكلم عن اللي عندهم النايل سات اما اذا كان اوروبي هذول ماهم اهل اصلا) عند بناته واولاده وهم في سن المراهقه وهم في عز الشبق الجنسي اذا كانت تأثر علينا ونحنا فاهمين وعدينا ذي المرحله كيف هم هل ممكن يكونون واعين مثلك ومثلك انت اكيد فيه واعي والاغلب باقي مراهق ومايدري عن مصلحته........
ايش رايكم هل هذول الاهل يحبون عيالهم؟؟؟؟؟ ما اتوقع
انا ما اقول مانبي دش الزمن ذا انفتح ولازم الواحد يشوف ويستفيد من كل شي متاح له والدش فيه فساد كبير متفقين على كذا بس برضه في فوائد كثيره للي يبي يستفيد منها بس لازميكون فيه كنترول على القنوات المفروض ماتكون كلها موجوده, القنوات الفاسده تنحذف وتبقى القنوات المفيده. (فيه حديث في ما معناه للرسول صلى الله عليه وسلم ان العلم ضالة المؤمن فانا وجده فهو حري به)يعني أي شي في الدنيا ذي يفيدك في دنياك وقبل كل شي مايضرك في دينك روح له ومن غير تردد, كذلك النت عالم ثاني ونعمه من الله كل شي متوفر لك بتكة زر , اذا بغيت علم , نصائح, بغيت أي شي مباح موجود وسهل انك تجيبه من غير تعب وانت في بيتك, وفيه فساد عظيم جدا (لكن هل نمنع عن نفسنا الخير عشان فيه شي مختلط محرم؟؟؟؟؟؟؟ اكيد لا )
]فاللي يبغى الخير راح يلقاه بسهوله واللي يبغى الشر في المواقع الجنسيه والبال توك وغيره وكلنا نسمع وعارفين يمديه يروح لها وما احد يقدر يمنعه وما احد يعرفه ما احد راح يفضحه وممكن يسوي اشياء الكفار نفسهم يستحون يسونها ....... ]ان الله فوقه وشايفه والملكين اللي على يمينه وشماله شايفين وكل شي مسجل في كتاب وكل كلمه وكل حركه راح يحاسب عليها يوم القيامه وممكن يموت وهو على الغلط وكيف راح تكون نظرة اهلك عنك اذا جوا ولقولك ميت على هيئه مخزيه راح يذكرونك بالخير بعدين , راح يصلون عليك ولهم وجه يدعون لك وهم لقيوك على المعاصي , الله لا يبلانا؟؟؟؟؟
وهذا شي هين ياليت هذا اقصى شي يجيك
كيف اجل يوم القيامه؟؟؟؟؟؟؟؟؟؟؟؟؟
كيف لنا وجه نقابل ربنا خاقنا رازقنا .....الخ ونحنا على نفس الصوره اللي متنا عليها؟؟؟؟؟؟؟؟؟؟؟؟
الله المستعان الله يثبتنا قولو امين على الحق ويحسن خاتمتنا.
ولو فكر يشوف ان اللي يسويه مايستاهل كلها شهوه زائله وحفت النار بالشهوات وكلنا عندنا شهوات كثيره لا انت ولا انا وانتي وربي خلقنا وحط فينا هذا الشي اختبار لنا يشوف مين اللي يعبده ويبتعد عنها خوف من خالقه ونحنا في ذا الزمن كل شي موفر لنا لو نبي نسوي الغلط نقدر نسويه, وموفر اكثر من ايام زمان ايام الصحابه والتابعين وايام الاجداد وهذا سلاح ذو حدين لو ثبتنا على الحق اجرنا راح يكون مضاعف اضعاف كثيره عن الناس اللي ماكان موفر لهم الغلط زينا , وفيه ايات في القران اللي يسمعها من اللي ابتعدو عن الغلط في ذا الزمن اللي القابظ على دينه كالقابظ على الجمر راح يرتاح ويفرح لان ربي راح يجزاه عن ابتعاده عن كل ماحرم الله وفعله كل خير.
اقراو الايات ذي من سورة الكهف وهذي سلوه للقلوب الطائعه لله, والله يجعلنا منهم يارب كلنا الطائعين لله والمقصرين ان شاء الله يتوبون ومن تاب تاب الله عليه :
قال تعالى: وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطاً{28} وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ إِنَّا أَعْتَدْنَا لِلظَّالِمِينَ نَاراً أَحَاطَ بِهِمْ سُرَادِقُهَا وَإِن يَسْتَغِيثُوا يُغَاثُوا بِمَاء كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءتْ مُرْتَفَقاً{29} إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلاً{30} أُوْلَئِكَ لَهُمْ جَنَّاتُ عَدْنٍ تَجْرِي مِن تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِن ذَهَبٍ وَيَلْبَسُونَ ثِيَاباً خُضْراً مِّن سُندُسٍ وَإِسْتَبْرَقٍ مُّتَّكِئِينَ فِيهَا عَلَى الْأَرَائِكِ نِعْمَ الثَّوَابُ وَحَسُنَتْ مُرْتَفَقاً{31} الكهف
بعد كل اللي سمعتم هل راح تتابعون واتابع البرامج اللي من شاكلة ستار اكاديمي اللي تدعو للرذيله وافلام الاغراء وراح نستمر على المواقع الاباحيه والبالتوك والاغلاط اللي فيها ؟؟؟؟؟؟
ملاحظه: فيه مقال لي ان شاء الله احاول انهيه عن المواقع والبالتوك قريب انشرها عندكم)
عاد بكيفكم اكيد ماتحبون نفسكم اكثر مما انا احبكم!!!!! . وهل ترضون انكم تحشرون معهم .
فين يحشرون هم في النار والا الجنه ؟
الله العالم بس المكتوب مبين من عنوانه إلا اذا تابوا, وترو انا معكم قاعد انصح نفسي صح نفسنا نشوف ونسمع ونطالع بس ربي يرضى نسوي كذا؟؟ اكيد لا
طيب ربي يعيننا ونبتعد عن الاشياء هذي ونحاول قدر الامكان ولايكلف الله نفسا الا وسعها.
انا ما اقول ماعاد نشوف التلفزيون نهائيا واي واحد يتشدد كذا في الدين ممكن يجي يوم يخبصها مرره عشان كذا على خفيف تدريجيا , يشوف الواحد مسلسلات هادفه ,افلام هادفه حلوه تاريخيه بس ماتكون من الافلام الماسخه افلام كلها احضان وبوس ولبس ماسخ (ومافيه فيلم يخلو من الشي هذا بس اذا جات اقلبوا القناة الين تروح اللقطه وبعدين نرجع مافيه شي في الزمن ذا صافي وخالي من العيب ) الواحد وده يشوف افلام اكشن قصص حقيقيه وهذا مايمنع بس بظوابط لاكن يكون فيلم زي افلام روتانا سينما وميلودي افلام وغيرها من يوم يبدا الفيلم الين ينتهي وهو بوس في بوس ونخرج من الفليم ما فهمنا القصه واللي عنده شوتايم واللي عنده ديفيدي وافلام كامله وغيره هنا الحرام بعينه.
يعني لاتشددون مرره ولا تفلتوها مرره خير الامور الوسط .
خلاصة القول
الله يبعدني ويبعدكم عن كل شي يضركم في دينكم قبل دنياكم وترى انا زيكم الله يبعدني وادعو ربي يثبتني ويثبتكم على الحق قولو امين.
وسلامة الطيبين فيكم , اتمنى يكون عجبكم موضوعي وابي تعطون رايكم في موضوعي وارحب بالنقد وترو
اتشرف ان أي احد يضيفني على ايميله سواء اخوان او خوات وفي حفظ الله
كتب لكم السابق اخوكم من KSA:
آآآسر القلووب
Yssory_99@*******.com
الموضوع الأصلي: سلسلة مغريات الشباب والفتيات3)ستار اكاديمي وافلام الاغراء || الكاتب: آآآسر القلووب || المصدر: منتديات الأماكن
المصدر: منتديات الأماكن
sgsgm lyvdhj hgafhf ,hgtjdhj3)sjhv h;h]dld ,htghl hghyvhx
وإن أختلفت المعرفات !!! لكني وجدت الاماكن لازالت مميزه
مزيدا ُ من التطور والابداع
مزيدا ُ من التطور والابداع
05-04-2007, 09:35 PM
المشاركة
2
05-04-2007, 10:08 PM
المشاركة
3
06-04-2007, 03:29 AM
المشاركة
4
12-04-2007, 04:05 PM
المشاركة
6
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
الساعة الآن 01:38 PM.