أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
يوم وصل العيار عندنا معاه الونيت 94 ددسن غماره وعاد الأعضاء معاه في الصندوق وجاب كل شي حتى الرسيفر وصحن الدش واللاب توب هع و العزبه كلها
والله ونظبط الوضع وأقوم أنا ابي اتعلم الصلخ والطبخ و خيالك يظبط القهوة والشاي وبصيص الامل تتقاوى مع مزاجية ومين تسدح الثانية ومزاجية دووب فاازت
والله يقوم قاسي القلب يصلخ الطلي ويشيل الصفار الي تحت الجلد ( اذا تعلمتو الصلخ تعرفون الصفار ) حق الطلي عاد شوفو المشكله و شيطونة والبريئة راحو يجيبون برميل و شمالي وسعودية مسكته يحفرون للبرميل وقلنا لنظرة أمل تروح تجيب الحطب وتجيك شايله اعواد الاسنان والشباب يضحكون وتقول ماتولع هذي واقول والله الشرهه مو عليك الشرهه على اللي أرسلك هع
والله وينقز ذيبان خيالك هو والعيار ويجيبون الحطب ونشب الميفا ويجيب المرخ قاسي القلب ونسدح الطلي في الميفا نبيه حنيذ وخلينا الباقي على البنات وضبطولنا العلوم الزينه
وتعشينا وشربنا قهوة ولعبنا بلوت و واشغل الاب توب وانسا الكونكت حقي وكيف ندخل المنتدى عاد شوف مانقدر نصبر
والله وكل واحد يفرش فرشه وكل واحد انسدح ونظرة أمل عيت تنام الا في السياره مو متعوده تنام ع الارض هع
واصبحنا واصبح الملك لله ونرسل شمالي يروح يجيب الكونكت والله ويروح وهوه رايح تقوم بصيص الامل تضبط الفطور ونفطر ونعين من الله خير وكل واحد يلعب في جواله وشوي كذا ويجي العيار والا معاه شيطونة والبريئة كانو نايمين بالغمارة وما انتبه لهم اول ماجو تنزل البريئة تطردني لإني ما صحيتها ياحبها للمطاردة بمفتاح الكفر وانحاش ويجي خيالك وسعودية مسكته يفكوني منها والله وكان الجو حلو ونرفع لوحين ونعلق الشبكه ونلعب طايره وشمالي حكم وما يحس إلا إرسال من قاسي القلب وفي وجهه ووناسه ولعب لين العصر والعصر نروح نضبط الغدا وبعد ماتغدينا نقعد نسولف والبريئة وشيطونة مايكلمونا مسوين زعلانين عشان ما لعبناهم طائرة هع والله ونقوم نصلي المغرب ونروح عند البريئة وشيطونة نراضيهم واخيرا رضيوو بس بشرط ( كان شرطهم وحنى راجعين نشتريلهم شيبس ) ونقوم نصلي العشاء وكل شوي نظرة أمل تتصل على صديقتها تقول بدا المسلسل وإيش صار ومش عارف إيش وفلانه ايش سوت وحكي بنات عاد عارفين هع بعدين خيالك صنفت معاه إلا يطعس نقله يابن الناس الليل ما يصير وهو إلا يطعس هع والله ونقوم نطعس وكل ما نمر من عند ناس كاشتين نصيح واستهبال وخلصنا تطعيس ورجعنا لخيمتنا
وبكذا انتهى يومنا الثاني وباقي اليوم الثالث والاخير
انتظروني لا يفووتكمـ هع