ان الليل وأحضان الدفا ومصافح القمرا
فمان الباب والشباك يوم أواعدك.. ونطيش..

فمان التوت والرمان وأحلى فاكهة حمرا
فمان الضحكه اللي كنها من مبسمك ..بخشيش..

فمان غيابك للي ماترك لمواصلك..بشرى..
فمان الشك وظنون الخطأ والكذب والتشويش

فمان.العيد كني به يجيني وحالتي تزرى
يطبطب فوق أكتافي حزن ويقول لي ,معليش,

فمان الجوع وإحساس العطش ومفارقك صحرا
تعبت أفتش لوحاتها وأضناني التفتيش

فمان ضلوع مكتوب على أنحاءها اليسرى
(هنا توجدجروحي) لوتكرمتي بلا تنبيش..

فمان دموع لا تسمن ولا تغني من الذكرى
وأنا اللي ماقدرت أطلع من أجوائي معك بشويش

فمان الشارع اللي كلما جيته وأنا أقرأ
معاناتي من أول يوم في وصلك إلى التهميش

فمان الشاعر اللي يجمع بتجربته الصغرى
فكر بدر ورمانسية نزار وفلسفة درويش

فمان العاشق المجني عليه بتسلية عذرا
من أول بعشقك حتى نهاية ماتصبرنيش

فمان الخوف ويدينك جنود وأضلعي أسرى
وأنا فيني من الإحباط مايكفي هزيمة جيش

فمإن أشياء ماتنقال للعالم ولا تطرى
ممالك حب دمرها اللعب وسياسة التطفيش

فمان الإيش ما أدري ولكن الزمان أدرى
وأنا اللي ضاع مايدري حبيبه ضيعه لجل إيش.؟

فمان الله ياقلبي مع إنك جرح مايبرا
كتب ربي علي أعيش من دونك (وأنا ما أعيش)