أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
عطني كلام آردِّ به ..
عطني جناح آهدِّ به ..
هذا الشعر يا صاحبي مثل السما
ما يقبل انصاف الحلول
يـ انطير به , يـ انطير به
وإلَّا نمووووت
في قاع ٍ أرهقها السكوووت
أبعادها رمل وظما , يسكن بها شايب عما
اسمه رحيل , قُوْتِه من ارواح العباد
حتى الدُما وهي الدُما لا مَـرِّتـِه
يقعد يهزّ أعناقهن الييييييين ايْطـيِّـح لقمته
واليا قضى مدّ الحداد ..!!
أدري أخذتك للبعيد وْلا فهمت ..
خلَّك قريب لا تنشغل به طالبك
تو ما غَمَرْتَك بالمداد ..
أنا عزفت امْن الشعر ما يهزّ ناي العازفين
أنا ملكت قلوب ناس ٍ كلبوهم متعبين
أنا الغريب
أنا الغريب
أنا الغريب اللي لقوه ..واقف على أطراف الحزن
يرسم ريوف
أنا النحيل اللي تشوف ..!!
شلت العمر من اوَّل الحريَّة لْـحلق السجن
لين القبر لييييين القبر شلته وانا زي ما تشوف
لا متن لي ولا كفوف .. إلَّا الحبر .. اييييه الحبر
حبر ٍ مثل فرقا هَلَي ..
لونه هلاااااك ..اسْميتِه المعكاز ..
وَحْدِه من يْنادم عناي ابْكربتي , وَحْدِه من اتعكَّز عليه ابْغربتي..
بالله لا تنقد علي ..أنا بديت انحاااااااز
لَـ انفاس الورق ..
واكثر بديت أعتاااااااز
ليدين الغرق ..
خلَّك معي لا تبتعد
محتاج لك كثَر مـَ فقدي للحبايب حافني
ومحتاج تسمعني كثر ما شافني وقتي أطييييييح وطافني
مليانه اضلوعي كلام , مليانه اعيوني حمام ..هديله ابيض يشبهه
ودِّي أطيِّـرْه ابسماك
لين اسكنك .. حالة تعب
واقعد أصيح بْداخلك
يا آدمي ياااا آدمي فيني نهاية آدمي..
تـبْـغاااااك
من وين اخلِّـيها تجيك ؟
من حيرتي , من غيرتي , من ديرتي ! أو من هناااااك
الله يرضى لي عليك
الله يرضى لي عليك
الله يرضى لي عليك
أنا بديت ارجف شعر .. قم غطّني
قم غطَّني يا صاحبي
برد الكلام
لا تغار ..
أو على كيفك تبي ترتاح .. غار !
الهوى من آخرتها وبإختصار .. إنحدار في إنحدار في انحدار..
لاتظن إنك تبي تسلم ، مهوب سَلْم الطريق ..
ولاتظن إنك تبي تحلم بنوم ...ولا تفيق
ولا تظن إنك طليق ..!
يعني ضيق ..
يعني محكوم بحصار ..
يعني عايش في إنكسار ..
آه ياشين الغصن عقب إنكساره ..!
لاتظنه سهل إنك تنكسر .. مالإنكسار الحب طب ولاجبارة ..
ولاتظنه سهل إنك تنتصر .. إنتصارك في الهوى أكبر خسارة ..
والمراره ..؟!
إنت ماتقوى المرار... ولايواطنك المرار
لا تحب ..
وإن تورطت بمحبه .. أنصحك من كل قلبي ..
لا تغار لا تغار لآآآتـغـآآآآآر