أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
سيكلي ياسيكلي لا نظيف ولا مخيس ... ودني لقروب أبونواف نبغى نحوس
ياجلمبو هات لي قحْشة من القراطيس ... لو كيسة اسمنت أهم شيَّ نكتب به إهجوس
ياجلمبو خل أفضفض لك من الهواجيس ... أنا من عرفتها وأنا بالحيل محيوس
كنت فاتح بلوتوث قلبي بالدواعيس ... دواعيس منفوحة وارسلت لي هي فيروس
فيروسها فرمت القلب بأسرع من إبليس ... إلين وندوز فؤادي صار متروس سوس
واليوم ياصاحبي صرت ضمن الملاحيس ... لاجيت أفكر ادخل على عقلي من الدوس
فتح مدير مدرستنا ( ثانوية الدرعية ) منتدى للمدرسة ,,
في حدود 4 أشهر قابلة للزيادة أو النقصان سجلوا حوالي 296 عضو ,,
90% منهم طلاب ومدرسين والباقين طلاب متخرجين من الثانوية ,,
مع العلم إن مدرستنا فيها حوالي 700 طالب
أقدر أقول 75% ما عندهم خبره في الحاسب ولا الإنترنت ,, قراوة
سجلت في منتداهم ,, وماشي الحال ,,
بس المشكلة إن الأعضاء الصاحيين اللي مشاركاتهم زينة ينعدون على أصابع اليد ,,
مرة حطيت موضوع يتكلم فيه عن طموح الشاب بعد أن يتخرج من الثانوية وكان موضوع تفاعلي ,,
وكنت كاتب في عنوان الموضوع (( مفتوح للنقاش ))
وحطيت أول شيء في أول سطر في الموضوع جملة (( الرأي والرأي الآخر )) ,,
بعد ما حطيت الموضوع ,, كان فيه تفاعل شوي من الأعضاء الصاحيين ,,
بس النشبة الأعضاء المفهين ,, يجيك واحد داخل غلط ويقول مشكور
هذا قبل شهر تقريباً ,, لكن ألحين ,, الأعضاء الصاحيين ناموا وما عاد يشاركون ,,
وأكثر من 95% من المواضيع في المنتدى ما تتعلق بالمدرسة ولا الدراسة خير شر ,,
قالبينها منتدى عام
يجيك واحد داعس 200 توّه مسجل ويحط موضوع ديني ,, ينقاله يعرف الدين (( إلا من رحم الله )) ,, استغفر الله العظيم بس
والمشكلة إن موضوعه منقول إضافة إلى انه مكذوب ,, والحديث اللي فيه مو صحيح
واللي يقهر لا قلت لصاحب الموضوع إن موضوعه مو صحيح وأحط له فتوى بعد من عند أحد الشيوخ مع الرابط للتأكيد ,,
يقوم يرسلي رسالة زوار محتواها (( يا شرهه يا ضعييييييييييييييف يا لا تسوي انته الي فاهم وتسوي ترد قلك ايش قلك امعه
يشيييييييييييييخ طيييييييييييييييييير ))
زعلان لأني كتبت ( لا تكن إمّعه ,, تنقل ولا تعرف ما تنقل )
نرفزته ,, طبعي كذا حاولت اغيره لكن للأفس ,,
من عادتي انرفز اللي يخطي وهو عالم بخطأه ,, أو إنّه مُخطي إنّه أخطأ << افلقني إذا أحد فهم الجملة الأخيرة
طبعاً مو بس هذا ,, في غيره كثير ,,
لكن اللي يقهر أكثر من كذا كله ,,
يجيك واحد بعدي ماغط الطبلون يحط رد في نفس الموضوع ويقول لصاحب الموضوع مشكور !!
ليه ؟؟!! شايف ردي انفيزيبل وإلا من ذبذبات الأشعة تحت البنفسجية !!
السبب ,, يبي يزود ردوده ,, يشتغل في المنتدى على مبدأ "انقل عشرطعشر موضوع ,, وحط خمسمية رد كلها شكراً"
تصدقون ,, فيه قسم مسمينه ( منتدى تجارب الكتابة ) << طبعاً فاتحينه للقراوة اللي ما يعرفون للمنتديات
<< مو منهم للعلم خبره 5 سنوات في الكمبيوتر والنت
كنت ابجرب أدوات صندوق الكتابة ( الصندوق الماسي ) حطيت موضوع وفتحته وقمت أكتب وأزيّن وأحط صورة مشوشة هنا وأحط بيتين بألوان مدرجة ,, المهم جربت كل شيء فيها ,, حتى اكتشفت أشياء أول مرّة اعرفها
والمعروف إن لما أحد يفتح موضوع في هالقسم ( تجارب الكتابة ) محد يرد عليه ,,
لكن في نفس اليوم اللي حطيت فيه الموضوع جاء واحد عنده أعلى مشاركات في المنتدى ( كلها شكراً للعلم ) وحط رد في موضوعي
من بعدها غسلت يدي منهم ,, لأني عرفت إن ما عندهم سالفة
قبل أسبوعين دخلت كذا أفرفر اشوف وش الجديد عندهم ,,
شفت موضوع عنوانه (( نقدر نوصل المليون رد ...... )) وحاط أيقونة زي هذي (( )) أيقونة الموضوع
قمت كتبتله هالرد ,,
جا واحد بعدي كتب ,,
ههههههههههههههه
أجل تقولي في خدمة الشعب السعودي هاااه
أي خدمة الله يرحم والديك
والله يا أنا فكيتها ضحك عليه
وش رايكم في أعضاء منتدانا ؟؟ فلّه صح ؟؟
بربرتي اللي فوق على غير سنع ما منها فايده ,,
بس حبيت أسوي تمرين لأصابعي الركيكه
كل أيوم اجرب سرعة كتابتي على الكيبورد في هذا الموقع
الولد طالع في الهذره وهو مسرح يتخيل مزنة ويقول بصوت مسموع: آآآآآآآآه يا مزّووون حسافة ,, كل عمري "صب القهوة يا ولد" و "رح الدكان يا ورع",, 9 سنوات ونــــص ,, تسع سنوات وأنا في شقى وعنى
كمل الولد: آآآه متى أكبر بس واشتري ضب من أبو ريالين ندلدل به أنا وإياتس يا بعد سيكلي وكورتي ودجاجتنا ,, آآآآآه آآه << شفتم صحن الإندومي بعد ما يلحسونه البزران ؟؟ مخ هالبزر مثله
الولد: ليـــــه يا مزنة !!؟؟ ,, ليــه كل هالجفا ؟؟!! ليه ما عاد تلعبين معي سبع حجر مثل أول !!؟؟ ,, ترين ما كان قصدي افلقك ذاك اليوم ,, بس كنت أطالع في هالجمال كلّه واشوف القمر عندي قمت لفعته بالحجر ,, ما كنت ادري إنك انتي القمر << يسمع بالغزل
الولد: سامحيني وبعطيك السكوتر حقي هدية ,, بس سامحينييييي وكل اللي تبينه لتس ,, لو تبين شباصتك اللي سرقتها أول بعطيكيها ,, بس كل اللي ابيه منك تسامحيني
بتستغربون لون المربعات الصفرا اللي فوق لكن انزلوا تحت تعرفون ليش
هذي مقاعد VIP
وتم حجز أول مقعد على اليمين كما طُلب
وأنتم اللي حاجزين من أول بامحط بكم ,, محد قلكم أحجزوا من بدري ,, مقاعد الـVIP كانت تحت الإنشاء ,, لو حجزتم متأخرين شوي كان يمكن حصلتم مقعد << شكله بينجلد
عموماً ,, تروني ماكل مقلب في مدونتي يعني لا تشرهون
مدونتك على رأسهم انا احب الفرفشه والضحك ومدونتك تعجبنيـ
انط ذا القسم اقرا مدونتك ثمن اروح لمدونتي <<بدون مبالغه ترا جد
<<بسـ كثرتي هذره يابنت
الله يعطيك العافيه اخوي ولاا ننحرم منك ومن مدونتك ومن هذرتك الحلوهـ
ما اسمحلِك !!
ليه تنطين في القسم ؟؟
كسرتيه
لكن ,,
بما أن: بدون مبالغه
إذاً: ترا جد
^
^
^
أعجبني رأيك وصراحتك في هذي النقطة ومعِك حق ,, وأحب أبدي رأيي فيها بكل صراحة ,,
إن المبالغة شيء مذموم لكنّه محمود في نفس الوقت
ونفس الوقت شيء حلو جداً مثلاً لمّا تكون تكلم أخوك بالتلفون وغرفته جنب غرفتك وهو يكلمك فأنتم في نفس الوقت تكلمون بعض
وبعض رااااااااااااااااااااااااااائع بمعنى الكلمة مهما تكلمت وقلت وفعلت ما اقدر أوصفه
وأوصفه ,, روح قدام وخذ أول لفّه يمين على يدك اليسار ثمّن ارجع ريوس ,,
وريوس هو أخو الكلتش فـ بمجرد ما ترفع رجلك عن الكلتش تمشي السيارة ( قير عادي مو أتوماتيك ) بس أهم شيء تكون السيارة معشّقه
ومعشّقه مأخوذه من التعشيق ,, تصريفها ( عشّق ,, يُعشّق ,, عشّقةً ) لكن فيها شيء من المبالغة ,,
والمبالغة هي سبب الهذره هذي اللي ما لها داعي
-----
أختي ذكرياتي معك ( وشباصتي بعد ) أشكرك من البطين الأيمن بقلبي وبندر أنا جداً ( ليه يقولون سعيد ليه مو بندر وإلا خالد مثلاً أنا على كيفي بأحط بندر ) وبندر أنا جداً بتعليقك على مدونتي ,,
وبالمناسبة ,, أشكرك على السنيكرز ,, لقد كان طعمهُ لذيذاً جداً ( << من أي بنك صرفتها هذي ) وحبيت أهدي لك هدية بهذه المناسبة