أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
معْ إني ممتلي أسود : ثيابي في حداد / الحال
و أيامي قليلة ما / تواسي وجهك | #المقتول
كذا عدّا عليّ سهاك مبهم في / عتيم : سؤال
أنا دربي إجابة في رثا : حزنك وليه : يطول
يزمزم فيك ياصدري شوارع ضايقات : البال
وجيه إنتابها قفرك و جمّعها رضاك : #هطول
لواحظ # مطر ..
يبان منّها عازف العود الحزين ..
و ليه ؟ الدروب إجتاحت أنفاسه كذا
و صار .. يتخطى لـ : السما ..
و لين إرتوى من خاطر عيون البشر و الشافق الشافق على نظارته !
يوم إلتبسها هـ العمى ..
و صارت سواد / و أنفاسه طوال و بعاد ..
غنّى و كأن الناس في وجهه دمى
هوّ الوحيد اللي إكتفى منه السهر و المرهق المنفي معَ ولاعته
دخّن حبايبه بـ .. فقر !
و تعبت معاه
# سقارته ..
يمّر : العمر غربة / و : الرصيف ينادي أحبابه
و / أنا يمرق عليّ الليل : أغني وِجْهَة أوطاني
أناجي : صوتي المبحوح بـ: غيابه إلى غيابه
وأنا ثمّة : شِعْرْ / يمكن .. يعاشرني و ينساني
وحيد / وإهتماماتي / طريق / آدوّر : أصحابه
و : يجمعني : معاهم / ريشة أنفاسي و دخّاني
مدى / واسع : كأنه قلب أبوي فـ : زلّة أقرابه
و : تنهيدة من # أمي بـ : إنتظاري قبل تلقاني
و هذا / هو مكاني فـ: إختيال الغيم و : أسرابه
و بينك يا ثرا : أرض إنتهازي / وأبعد أحزاني
و هذا هو / رفيقي .. لا : تشبّث / أسود ثيابه
و هذي / غربتي في وهج : مطرقتي و سنداني
يحين : القيض / لمّا .. يحتوي هـ الظل حطابه
و أنا : أحْوَجْ من إني : أُنْتَهَكْ مع بارد أغصاني
كأنك يـ : الصوادِف / مثلها في صدر / مرتابة
تعداها الظلام ؛ و صبّحت في [ وجهي : الثاني ]
قريني هـ: الغريب / المبهم / المستنفر / الآبه
بـ: أنهامه يفوت / و بإحتضار الصبح ناداني !
عزيزي / إنتصار الأمكنة / من : أصغر : أبوابه
تعاصرني إذا : [ طاح المطر ] في / جُدب ودياني
و أنا لي / دهر : ما زرّ الهوى منّي سوى عتابه
إذا / بعثر / خفايا .. فرحتي : و إنقضّ يقراني !
كريم / الحظّ يمكن يهتدي بي لَـ: ارتوى إعجابه
و عاش : البعد / منفى دندنت فـ أحلامه ألحاني
وحيد / الذات يصدح ؛ عاشقه : من لهفة / كتابه
رفيق الليل / مخفي مُنتشَل من : ريشة : ألواني
يموت لـ هالوطن لو هـ الوطن ماله سوا ترابه
يكفّ : الليل بـ همومه و يأنس / وجه جيراني
غريب الوقت و الوقت إرتمى في محكم : أغرابه
و إذا قفيّت عن باب # إغترابي هـ التعب جاني
..
أحبائي : معَ ظِلّ الدعا / طاحت : دعاوينا
.... و نزفر / من تعْب : ورّق بنا لين أنهَكْ ِشفَانَا
نتمتم في / مدى حطّم ضلوع أحبابنا : فينا
.... و ماتت صورة الغالين : حتىّ ؛ حزنهم / جانا
تسامرْنَا شويّة : دمعه و سِهْرَتْ حزاوينا
..... على فجر الهوى سرنا و صوت المّذّن أغنانا
عن الصبح الشفوق ولمحة القدْر لخطاوينا
.... عن الدرب العِثُور و : حظْ يذكرهم و / ينسانا
و راحت كل قصة ترتدي لأصحابها : مينا
.... و سادت كل : فرحة تنتمي لـ : أطلال مأوانا
صدّق وإلا ما تصدّق .. أنا عاجز عن التفكير!!!
تعال وشوف في عينك غيابك وش عمل فيني
حبيبي ما بقى عندي صبر .. يتحمّل التأخير
رحلت .. وعقبك الدنيا غلاها طاح من عيني
أجاوب اللّي يسألني عن أخباري وأقول بخير
وأنا لا خير بغيابك .. ولا حاجه .. تهنيني
على طاريك كل لحظه .. ولا أحتاج للتذكير
حريص القلب ما ينسى عيونك , لا توصيني
عامل الناس بالطيب ترى الدنــيا .. تـدور
ازرع في قلوب البشر ياأبن آدم بـــذور
واجني من جنباب القـلوب ورود وازهار
*****
واسقي بعطر المحبه بزلال الود زهـــور
حتى بذور المــحبه للناس تصير أشـجار
*****
وخلي من تحتك يرميك بحجر.. مقــهور
وانت ترمي لهم من فوقهم حلو..الاثمار
*****
وعمر الشر مابنى للناس مُلك..و قصور
ولكن الخير لقلوب الشر ضوى.. أنـــوار
*****
ونور الخير شعشع للميت ظلم.. القـــبور
وشر الأعمال .. تحمل للحي إثم وأوزار
*****
وخفيف الوزر يمشي على الصراط مرور
وثقيل الحمل بالوزر تحـــته لضى.. ونـــار
*****
عامل الناس بالطيب ترى الدنــيا .. تـدور
اليوم لك.. وبكره عـليك يكــــون الــــمدار
*****
عايشت البـــشر منهم بلحظة غضب يـثور
ومنهم يكتم غيــظه لو رميته بسهم غــدار
*****
وتلقى فيهم من يضحك بفعـــلته مـــسرور
وتشوف من يبكي من الندم... بنكــــــسار
*****
لاتمرح فوق الارض ..مختال و مــــغرور
ولاتصــــعر خــدك للناس وكأنك جبــــــــار
*****
قبلك فرعون أستعلى وكان بنفسه فــخور
وارسل الله موسى ولحق لجبروته الــعار
*****
لا تاخذ تعب غيرك وتستغل ضعيف مجبور
ترى ربك فوق الســــماوات (منتقم جــبار )
*****
شوف السما فوقك فيها مزن وفــــلك يدور
وفوق عنان السما تلقى سحب وامـــــــطار
*****
ولا تبخل لو طرق بابك.. مســـكينٍ عــــبور
ولا تسرف لو كنت تــــغرف من نــــهر جار
*****
ولا تظلم لو كنت تمــــسك بزمام الأمــــــور
ودعاء المظلوم للرب مافي حجوب واستار
*****
رب الكون يسمع دبـــيب النمل في الجحور
ويرزق الحوت بوسط المحـــيط ...والـبحار
*****
الله يعلم.. كل سراير وخفايا.... الـصــدوور
هو السميع والبـصير وهو.. عليم بالأسرار