أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
لاتنسى احجزلي مكآن في المربع ويليت يكون في الجانب الايمن
مودتي
مساء الزنبق والقرنفل
روعه أنا ما سويت أفلام رعب هنا عشان تقولين روعه
لا ما يروع
أنتي روعه <<< ينقاله يسب
------
ايه وبعدين ثم لمّا راح عند الـ هو وأخوه الـ اللي وبعدين كان بعدين صار بس لمّا أخذ الـ ورجع عند الـ والـ ولد الـ كان ونونو شكله .................................................. ....... وهـ بس الـ كان أخذ الـ شقيق ( <- يمديكم ) الـ ثمّن راح عند الـ وصاروا كثير
^
^
^
يبي يعبر عن معنى الإنبساط ( بس شكله فاهم غلط )
قمر الشمال ,, الـ [_] ( <- مربع ) تم حجزه مع الـ VIP بعد في أحد الأيام التي سبقت هذا اليوم بعدة أيام
قبل ساعة ونص تقريباً كنت أدور على شيء في قوقل ,, دخلت منتدى وأنا ناسي إني مقفل الكاسبر ,, كانت صفحة ملغمة ,, نزلي منها 37 فيروس و 41 تروجان ومن بعدها الجهاز صار ثقيييييييييييييل جداً وألحين قاعد أنظفه بالكاسبر الغبي هذا ,, شكلي بأشوته وأنزل أفاست اصرف :d
الكاسبر له ساعة وربع وهو يسوي سكان ودوبه واصل 70% موب كالعاده :d
عندي كلام كثيييير ودي أقوله ,, بأصدع راس مدونتي إذا قلته وروسكم بعد خخخخ
لكن يقولون إذا كان الكلام من فضة فالسكوت من ذهب فلذلك سأدرعم واكتب وأنا ساكت
-------
أنا إنسان حي على الصامت
يعني انعزالي ,, الاجتماعيات ما أحبها أبداً خصوصاً الزواجات والأفراح يا كرهي لها
بس أحياناً غصب عني أحضر ,, زواج ولد عم ,, أخ ,, أخت ,, بنت عم ,, ولد عمّة ,, بنت عمّة ,, ولد خال ,, بنت خال ,, ولد خالة << هو وحيد ومتزوج ,, بنت خالة ,, ومن بعد ؟؟
بس !! ما أكذب إن قلت لكم إن بعض الأحيان أحب أصير اجتماعي واختلط مع الناس !! ( لكن مو الزواجات ) << تناقص عجيب مع نفسي
المهم ,, بصراحة ,, ما أتكلم عن نفسي لكن في نظري إن الإنسان الكثير السكوت " أفطن " من الإنسان الثرثار (( لاحظوا قلت الثرثار ما قلت اللي كلامه طبيعي )) ,, وبرضة غامض بشكل كبير ,, يعني غامض لدرجة الوضوح << يقطع أم الفلسفة
أقصد غموضه واضح
في أحد المواضيع التي قرأتها عن الشخص الإنطوائي أو الإنعزالي
ومن الممكن انه عندما يبدأ فى الحديث فيجد أن لسانه يتلعثم ولا يستطيع ان يكمل حديثه فيضطره لسانه بأن يصمت وهكذا يجد نفسه وحيدا أكثر مما يزيد الأمر سوء.
من خلال هالكلام ,, اتوقع إني ذكي لا سمح الله
أحسه متناقض ,, عن نفسي صحيح [ أحياناً ] أتلعثم في الكلام بس مو لدرجة إني اسكت ,, أحياناً أفكر كثير في كيفية [ صياغة ] الكلام اللي حأقوله قبل ما اتكلم بس المشكلة لا جيت أتكلم يخونني التعبير ,, وأحياناً أعبر عن اللي ابقوله بشكل واضح من دون سابق تفكير في صياغته !!
^
^
^
تعرفون مهارة الإنطلاق في القراءة ؟؟
----
الإنعزالية معادلة صعب حلها ,, / << هذي هي ,, في أطباء مختصين يقولون إن الإنعزالي هو مريض نفسياً ويحتاج للعلاج ,, وآخرين يقولون إنها مشكلة وليس لها علاج بل لها حل ,, واللي يقول إنها ظاهرة وتعدي !!
وأنا أقول إنها على درجات ومراتب ,, صحيح إنها في البداية تكون مشكلة ,, بس الخوف إنها تكون مهي عابرة ولا يتفاعل الشخص الإنعزالي معها ولا اللي حوله تفاعلوا معه ,, مما يؤدي إلى إنها [ تتطور ] لتصبح مرض نفسي (( أوتيزم Autism )) يحتاج إلى أخصائي ,,
-----
بصراحة [ بوح خاص ] ,, أحس بفرااااااااغ داخلي كبيـــــر ,, صحيح اللي يشوفني يقول خفيف دم لكن هذي الخفة خارجيا بس !!
وتصدقون إني ما صرت كذا إلا لما حسيت بهالفراغ ,, قبلها كنت ثقيل دم وما انعطى وجه
أما أسباب هالفراغ أتوقع ,,
1- من اهم الأسباب هو وفاة الوالدة الله يرحمها قبل سنة وأربع أشهر ,, لما تواجهني مشكلة مع نفسي وإلا في خاطري شيء ودي اقوله اروح لها إذا ما كانت مشغولة واقعد افضفض لها وهي تسمعني وبعد ما اخلص احس براحة عجيبة ,, وهي الوحيدة اللي كانت تسمعني ,, قبل وفاتها كنت [ شبه ] اجتماعي ,, ,, كنت في المدرسة دايم امشي مع أصحابي وفي الحارة أطلع ألعب كورة في العصر ,, وبتضحكون إذا قلت لكم إني كنت أحب لما يجي عندنا ضيوف اروح اتكي معهم اسمع سوالفهم خصوصاً الشيبان احب قصصهم القديمة بس بصراحة بعضها محد يصدقها أحسها نصب خخخ بس حتى لو كانت نصبها أحبها ,,
ألحين انقلب الوضع ,, تصدقون إن مدونتي هي الوحيده اللي اقدر افضفض واكتب اللي بخاطري فيها
أصدقائي معدودين جداً ( أقل من نصف أصابع اليد ) لكن صداقتنا عميقة ,, ولكن ليست عميقة كفاية لأعبر لأحدهم عما يجول بخاطري ,,
2- وبرضة من أهم الأسباب هو [ انغلاق ] فِكر الوالد و [ استبداديته ] ,, يفرض رأيه عليك بالغصب !! إلا تسوي هالشيء !! خصوصاً أنا ,, ليه ؟؟ ما أدري !! يمكن لأني مراهق ؟؟!!
المُراهق طبعه مزاجي ,, يوم يكون رايق ,, ويوم ثاني يكون ضايق خلقه بدون سبب ,, ويوم يكون معصب وعلى أي شيء تافه وإلا مو تافه ,, ويوم ثاني يكون عليه حركات غريبة !!
وصلت استبدادية أبوي إلى إنه إذا يحب أكلة معينة وهو ياكلها ,, لازم أنا أحبها وآكلها !! وش ذنبي أنا إذا كانت تلوع تسبدي طيب
أحياناً لما يسألني أحد إذا ابغى شيء معين من السوق مثلاً ,, أخوي نازل وسألني إذا ابغى شيء ,, اقوله ايه واسميله هالشيء ,, والوالد يكون حاضر ويسمع ,, إذا ما أعجبه هالشيء اللي قلت لأخوي يجيبه حتى لو كان شيء بسيييط جداً وما يكلف بس ما أعجبه ,, يسويلي قروشة !! ( <- بمعنى قلق وطفش لغير الناطقين بالجداوية ) ,, وش تبغى به ؟؟ ووش له من داعي ؟؟ وكلها اسأله مدري وش تبي والمشكلة يعيد السؤال مرة ومرتين مع إني جاوبت عليه ,, ويقهرني هالشيء ,,
هالشيء خلاني أصير شخص غير اتكالي ونادراً جداً جداً جداً أطلب منّه شيء هو وغيره ,, وصرت اعتمد على نفسي في الشيء اللي ابغاه ,,
رغم إنه فاقع مرارتي وباط كبدي ورافع ضغطي إلا إني احترمه وألبي طلباته [ اللي بعضها تقهر ]
لأني عارف إن هالشيء واجب علي ,,
بس ..!!
ليه هو ما يحترمني ؟؟!!
ليه مستصغرني ولا يثق فيني ؟؟!!
ليه يرمي كلام ما يحس به ؟؟!! أقسم بالله إن بعض هالكلام يحز في نفسي ,,
ليه يعاتبني على شيء إيجابي سويته وطلع فيه غلط بسيط ؟؟!!
ليه ما يثني علي أو على الأقل [ يشكرني ] على شيء سويته له ؟؟ أو أي شيء إيجابي أسويه ؟؟!!
ليه ما ينفذ طلباتي و [ يتناساها ] ?؟!!
ليه ما ياخذ برأيي في شيء معين ؟؟!!
ليه يتعمد يقهرني وهو عارف ؟؟!!
ليه وليه وليه ...
والسؤال الأكبر والأدهى من هذي كلها واللي محيرني أنا بنفسي ,, ليه ما أحبه ؟؟ ولا اشعر بشيء تجاهه ؟؟!! << انجن الولد
أكيد كونتوا فكرة سيئة عنه ,, هو مو لهالدرجة أب سيئ ,, هو أب سيئ بالنسبة لي فقط !!
عارف إن هالكلام اللي اقوله عن أبوي غلط وأكبر غلط إني اتكلم عنه زي كذا ,, لكن تبون اروح افضفض له عنه بهالكلام ؟؟!! مستحيل
سؤال آخر محيرني ,, هل أن ابرّه معناه أن أحبه ؟؟!! << بالله اللي يعرف إجابة هالسؤال يقولي !!
3- السبب الثالث والأكبر وهو سبب مشاكلي هذي كلها ,, يوم كان عمري 6 سنوات ,,
اللي فاهِم في عِلم النفس بيفهم وش أقصد !!
-----
إنعزاليتي قادتني إلى ( الجلوس على النت بكثرة ) ومن النت كونت قاعدة معلوماتية ثقافية شخصية << امحق قاعدة ,, بس جد صرت مُلِم بعلم النفس والذات وعلوم ما وراء الطبيعة والخوارق << قايلكم انجن الولد ,, وقراءة الموسوعات والإطلاع على الأخبار ومتابعة كل جديد في التقنية ,, والتثقف عامةَ ,, هذا شيء إيجابي ,, وبرضة في إيجابيتا ثانية يمكن ما انتبهت لها ,,
والشيء السلبي في الإنعزالية ,, هو قلّة الصداقات وصعوبة تكوينها والإهمال الدراسي والإهمال النفسي ,, وغيرها
منطقياً لا يمكن تفسير ما يحدث !!
علمياً لا يعرفون كيف يحدث !!
جيولوجياً لم يجدوا له أثر حتى الآن !!
ظاهرياً هو شيء لا يمكنهم مشاهدته !!
شعورياً هو شيء جميل جداً ويقولون انه حار !!
نفسياً لم أجربه حتى الآن لأنهم يقولون إنه يعذب قلب الواحد أحياناً رغم جماله !!
عرفتموه ؟؟
---
طيب نرجع لموضوعنا ألحين ,, ألا وهو ,, إني أحبه
بس موب أبو غتره
واحد شكله حلو وخققيشن
حلاوته تخليك تبتسم
وشكله يخليك تبتسم وأحياناً تضحك
ووين ما كنت بس مجرد ما تتذكره تبتسم
أوقات الفرح يخليك تضحك
وأوقات الحزن إذا حضر يخليك ما تحس بحزنك
هو حُبي الأول والأزلي
لا يمكن أتخلى عنه يوم
دايم يمشي معي وين ما أروح
بس أحياناً أصفه وأعطيه اشكل
بس حتى لو ,, يجيني بنفس ضحكته الحلوة
وما يزعل مني أبداً
أنا مغرم بوه
لقد ستقولون إنني شاذ
لكنني مانيب كذلك
لأنني أحبه ,, بس مدري إذا كان يحبني زي ما أحبه وإلا لا
أنا أحبه لدرجة إني آخذه معي على طول
وأرميه وين ما ابي
بس هو ما يرميني ,, ولا قد تكلم علي
لأنه دايم فاق حشته
وما يقدر يمسكها
دايم يضحك على أي شيء
حتى لو سبيته ضحك
لو قلتله "أحبك" ضحك
لو أقوله أي شيء أي شيء ضحك
هو دايم يضحك أصلاً ,, مدري هي خلقته كذا وإلا طبيعته ضحووك
بعض الناس يحبونه ,, بس أنا أقولهم: لا تحبونه ,, هو يكرهكم
وإذا حبوه ,, أقولهم حبوه ورجعوه
أصلاً ليه تحبونه ؟؟ أنا أحبه بس
هو يقول عليكم أنتم وع مو حلوين أنا حلو بس والهاوي حلو حتى هو بس موب أحلى مني
أول قلتله " تحبني يا حلو ؟؟ " ,, قام يضحك على طول
قلتله " طيب ليش تضحك ؟؟ " ,, قام ضحك مرة ثانية
قلتله " طيب .. " ,, ما كملت كلمتي إلا وهو يضحك
جيب ابتكلم مرة ثانية ,, قام يضحك
أنا سكتّ ,, قام يضحك
استغربت أنا وصار فوق راسي دايرة صفرا << معناها أي أنني مستغرب ومتعجب
الناس يبون بنامون وأنت عندك اختبار بكرة وقاعد تخنبق ما تدري وش تقول ؟؟
لا يا رجال لا تخاف ,, جبت 4 في اختبار الأحياء اليوم باركلي ,,
وبعدين ترا ماني ذكي لا سمح الله
----
فقرة رقم تو
من هذا المنبر الشامخ والعملاق والرائع الذي هو بروعة اللي مدري وشهو ,, أطالب الإدارة الكريمة بأن تضم هذا الحلو الخققيشن إلى قائمة الإبتسامات ,, وهو يقولي خلهم يخلوني على اليمين ثم روح سيده أول لفة يمين على يدك اليسار اتركها وخذ ثالث لفة من قبل الإشارة اللي لونها ( برتقالي - أخضر - أحمر - فسفوري ) اختر الإجابة الصحيحة (( المراقب غشاش يقول فسفوري ))