أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
تعبت من المشي . . وتعبت من طول المسافة
وقلت استريح . .
مليت من حضن الفقر . .
وقلت احتضنك .
أخوي . .
فرصة بسألك !
وش هي الطفوله ؟!!
هي زمن . . هي وطن نقدر ناصله ونطوله ؟!
أو هي مجرد كلام نقوله
أو هي مجرد كلام نقوله . . ؟!
أخوي ريح حالك ولا تناظر . . !
أنت وش ودك تشوف ؟!
نهاية الدرب . .
أو تحاول إكتشاف قدرنا والمصير .!
وش تغير . .
نفس الطريق . .
نفس البداية . . . نفس النهاية .!
شتات في شتات .
أخوي لا تحرى جديد !
هي من جديد حزن وشقا . . هي من جديد حزن وشقا
أخوي تصدق !
من كثر ما نحتاج , صرت مدري وش نبي !
وش هو مطلبك من الحياة . .
وش هو مطلبي ؟!!
تملكتني الغرابة .!
كيف للحين ما ملنا الحزن ورحل . .؟!
كيف الجوع ما يحاول فينا لجل نطلق سراحة .؟!
كيف الشقى مخلص لنا ما يخون .؟!
بس تبغى الحقيقة
عرفت إن مافيها غرابة .!!
مع أول أنفاسنا وحنا منها وفيها . .
من قبل ما نكون
ربع ورفاقة
. . من قبل ما نكون ربع ورفاقة .
أخوي تدري عاد . . .
كل اللي نشوفه . .
وكل اللي نلمسه ونحسه
يمكن نقبله ويهون !!
لو عرفنا من نكون ,
لو عرفنا من نكون . . .!!!