ads | ||||
---|---|---|---|---|
دليل المواقع السعودية | انشأ رابط لصفحاتك | اعلانات المبوبة | نشر بلس | اختصار واتساب |
|
(( الطير )) واطيري اللي زودوا فيه الأثمان اشعل ظهر والصدر يجهر شعاعه لو له شبيه في الملى هو غزالان راجي عل زينه يزود بشـجاعــه خذته ولاني يا هل الطير ندمان من عادتي ما نيب اسوم البضاعه الى ركز في مجلسي طير حوران وتجمعوا عندي كثير الجماعه وشلته على كفي كثير الغثا هان عندي غدى للهم مثل المناعه لا صرت فيما تطلب النفس بلشان اترك طمان القاع وارقا برفاعه وباكر تصاريفه على عالي الشان من يضمن الدنيا ولو ربع ساعه |
انْتَظَرْتُك .. عُمْرِي كُلِّه .. وَانْتِي حُلُم وَمَرّت الْايّام وَالْلَّه .. وَانْتِي حُلُم.. لِيَه تَأَخَّرَتِي عَلَي .. تُوَهِي مَرَّه وَاسَالِي .. كُوْنِي فِي غَيْر الْزَّمَان .. وَالَّا فِي غَيْر الْمَكَان كُوْنِي عُمْرِي .. عُمْرِي كُلِّه.. الْلِي بَاقِي .. وَالَّلُي كَان .. انْتَظَرْتُك عُمْرِي كُلِّه .. وَانْتِي حُلُم .. .................................... وَانْتِي حُلُم ............................................وَانْتِي حُلُم |
" ثـرثـره " على شفآهي رمآد .. وحمآم ميت .. وأقلآم مكسره وأصوآت لــ النآس .. متى مروآ .. في أعلى الحنجره شريط يدور .. يدور على الحآل والأخبآر وكيف الصحة والأحبآب مع إبتسآمه مسمره على جدرآن .. مآلهآ أبوآب فرشة أسنآن .. وأموآس حلآقة وصبح أصغر .. من الطآقه وحنفيه تسكب المآء .. ثـرثـرة أغسل المرآيآ .. وأجفف المرآيآ وأنآ عندي موآعيد .. مبعثرة على وقت أقصر .. من الصبح إللي ورآ الطآقه تلبسني هدومي .. وتخنقني اليآقه وأظهر قبل بدري .. وبعد متأخر لأجل أعترف .. وأنكر ويدور الشريط .. يدور حكي قليله نور .. وأكثره ظل أشيآء مرسومة بالمسطرة .. وبحسآب ويبلعني الطريق .. مثل حوت غبي يآكل ولآ يهضم آه لو أدري وش يبي ؟ يآكل ولآ يضهم .!! يبلع النآس .. ويلفظهم على أرصفة مكسرة وكرآسي .. وطآولات مبعثرة ويعطيهم مناديل .. للعرق أرآجيل للنعآس .. وللأرق وحديث جآد .. لكن بايت عن غصن زيتون في الشمآل .. ومجزرة وأنآظر الشآرع يمر .. والسيآرة تهزني حلم غريب .. يبتزني يقول أعكس كل الشوآرع غير الموآج والأفرآح لو يمر غرآب .. ويحجب الشمس وينزل على أطلآل .. مقبره ودي أتشآءم .. أو يتغير شي زلزآل .. إعصآر .. أو تحترق غآبه يحصل شي أي شي يكسر .. ه الرتآبه على القليل لو تندلق محبرة .. على الأورآق أو يدخل مآ بين العين والأهدآب عود طآير .. شوي ترآب السآعه ه الحين .. ست وثلث الصبح متأخر .. وأنآ لآزم .. أصحى بدري بَدرْ بِنْ عَبْدآلمحْسِنْ |
فدوة عيونك لو غدت روح مغليك وش عاد لو راحت لعينك عشاير أبيع ما يغلى على الكون وأشريك وأسوق لَى جتني علومك بشاير وأزعّل جميع الناس بالحيل وأرضيك واصبر ولو دارت علَيّ الدّواير وآخذ من أيّامي لك أيام وأعطيك وان راح عمري لك فلا هو خساير أحب أنا شوفك وصوتك وطاريك دايم وفكري فيك هايم وحاير بالصمت أهوجس بك وبالصوت أناديك والله عليم البيّنة والسّراير أنا وقلبي والهوى بين أياديك عندك مفاتيح الهنا للضماير من روحي أحبك ومن روحي أفديك يا من غرامه والحسن فيه ثاير .. |
ليلة فــراق و برد و بــروق و ريــاح وصوت المطر يفصل خـْـطاها عن خـْـطاي نقرب .. وتنبت فـ الوطى بيننا رماح حتــى تلاقينــــــا..لقــا الــريــح والنــــاي آخــر لقــا يغزل مـن الغيمة وشـاح وأول لقــا يــمضي .. بــلا موعــدٍ جــــــاي مسحت عن وجناتها صبر وجراح وأنــا جـراحي كــانـت أكبــر من بكــــاي قلــت أذكريني ماهمــا بارق ولاح وأيـــّـاك تبكيني .. تــرى الــدمــع نــسّــــاي إذا سألوك الناس .. قــولي لهــم : راح بــالــك يجــي طــاري وداعــي وفرقــاي ترى الفراق الموحش .. فراق الأرواح أمــا الجســد لــو غــبــت تحييــه ذكــراي صــدّت .. و في وجناتها الدمع ذباح وأنــــا أعتــــذر لعيــونــها عــن سوايــاي تبكي وأنا أمسح دمعها كل ماطاح كنــت أحســب كفوفــي بتمــسح خطايــاي لو اجرحتني وقتها .. يمكن أرتــاح لــكــنــهــا.. وبــــدون كــلــمــة ولا راي .. أقفت تـوّدع عمرها اللي معي راح وأقبلــت أودّع عقبــها عــمــري الجــــاي فهد المساعد |