بسم وعلى بركة الله نبداء<<<< متأثر بالافتتاحات

المهم الصوت واضح اوأرمي المايك

اها حلو مدام انكم ساكتين اكيد واضح

أول شي ودي ارحب بكم نفر نفر وياليت اكون خفيف بمسكتي لهالمايك

والله مدري وش اقول محتار ...<<<< من جد متوهق هع

الموضوع حلو .. الواحد ياخذ راحته في الكلام بدون محد يزعجه بالردود .. <-- هذي المقدمة ترا هع

راح أعرفكم على نفسي يعني سيرتي الذاتيه

من انا......؟

أنا الذي أبكي لإسعد الناس ، أنا الشارب من كأس النسيان

أنا أسم بلا لقب ، أنا جسد بلا روح

أنا إنسان مع نفسي قبل لا أكون معكم إنسان

لي مبدأ بالحياة ولي نظرة تحكم قناعاتي

وبعد ماعرفتو من أنا وأنتهت السيره الذاتيه <<<<<<< أمحق سيره هع

راح أسمعكم قصيده لحامد زيد تطربني كثير واحب اسمعها وبعد متخلاصون منها اكمل لكم باقي الحكايه
<<< ويضحك عليكم مشاالله جالسين مؤدبين هع
القصيده تقول

أيه بالله اخطوا والخطا اللي جابهم عين الصواب ..
مبطي وانا اشوف الطمع يكشف رداهم واستره ..

ما يملي عيون الحسود بهالزمن غير التراب ..
ومن لا يتوب من الخطا تحرم عليه المعذره ..

اللي من اولها خراب اكيد تاليها خراب ..
والبندق اللي ما تثور في هدفها تذعره ..

ودك ليا من جاتك الغلطة من الناس القراب ..
الصاحب اللي ما كسبت محبته ما تخسره ..

مشكلتي اني ما عرفت احسب لصدتهم حساب ..
قلّطتهم صدري على ذكري قصيد وحنجره ..

صوت يصول بمنبره وخطاب ما مثله خطاب ..
والطيبه اللي زعزعت صوت الخطيب ومنظره ..

ما فيه دمعٍ صوبوه احبابي بوجهي وخاب ..
ولا زرق حزني على غالي ولا فج نحره ..

كل الزهاب اللي معي ذكرى من اصحاب الزهاب ..
واللي بقى لي من عذاب اشرس طريقي واخطره ..

لانّي تجنبت الغرق عديت من فوق السحاب ..
لان اكثر اصحابي ورق ما شفت للطيب ثمره ..

والله ما حطيت بين الحقد والخوه حجاب ..
حتى غدوا ربعي يحدوني على الضيق اشكره ..

البارحه ثارت علي رقاب وآوتني رقاب ..
البارحه يا ثقل دم البارح ويامااحقره ..

اهب يا وجه الحسد وشلون جمعهم وغاب ..
كيف السنين اللي عطتني بعثرتهم بعثره ..

اثر المصايب ما تجيك الا من الناس القراب ..
وبهالزمن حتى الرفيق اللي تثق فيه احذره ..

لا بارك الله في رفيق تزعله كلمة عتاب ..
ولا جمع الله الرجال اللي تفرقهم مره ..

عودت نفسي كل ما شدّدت لليمّه ركاب ..
ما اصدّ وجهي عن طريق الا ليا جبت خبره ..

الصاحب اللي ما يجي من صحبته غير العذاب ..
نذر علي ان ما هجرني والا انا اللي ابهجره ..

من يفتح لفرقاي باب افك له عشرين باب ..
واذا خويي ما يقدّر خوّتي ما اقدره ..

ان روّحوا فانا برئ منهم ليوم الحساب ..
وان جرّحوا قولوا لهم ما حركوا فيني شعره ..

شفهم لهم حول السنه ولا اخذوا مني جواب ..
أحسن دواء للي يحاول يستفزك تحقره ..

انا جمعت اوراقهم بكتاب واغلقت الكتاب ..
يا وقت لمّ اللي تلمّه وانثر اللي تنثره ..

ما كنت احاتيهم صغير عاد احاتيهم شباب ..
ان ما ذخرني صاحبي لليوم الاسود ما اذخره ..

عقب اكتئاب البارحه ما عاد انا حمل اكتئاب ..
الطيب جرجرني وانا ماني بناقص جرجره ..

اللي يخاف من الظما يترك لنا طرد السراب ..
واللي مهوب قدّ الظلام ووحشته لا يسهره ..

انا تجرعت العطش لين احترق وجهي وذاب ..
انا كسرت بخاطري قبل الصداقه تكسره ..

انا خسرت اللي غيابه غير عن كل الغياب ..
انا غفرت لعالم ما تستحق المغفره ..

انا اكثر انسان تعلم من كثر ما اخطا واصاب ..
انا اخر انسان يتكلم في زمان الثرثره ..

انا القصيد اللي فزع من دفتره مليون ناب ..
وانا الوحيد اللي جمع مليون ناب بدفتره ..

جفني وجرّحها السهر حيلي وهدّتها الصعاب ..
دمعي هدر ضحكي ندر عمري وضيعت اكثره ..

شيّبت بعقول العرب,هيبت روس ما تهاب ..
جمهرت ناس عمرهم ما يعرفون الجمهرة ..

ما صرت ذيب الا لان اللي حواليني ذياب ..
ما كنت اغيب الا لان العفو عند المقدرة ..

ترى حلاتك لاحملت لصاحبك كلمة عتاب ..
إن ما نطقت بها بوجهه ما تذمه بظهره ..

في هالزمن ما يملي عيون الحسود إلاّ التراب ..
ولا الحظيظ الطلقة اللي ما تصيبه تذعره ..

ودك ليا من جاتك الغلطة من الناس القراب ..
الصاحب اللي ما كسبت محبته ما تخسره ..

برب