انا مسافر وغايب وتارك العالم ورايـا = انا في وسط اللحد وانتي روحك معايـا
انا ادري إنك ميته في رجا الله ثم رجايا = ادري تقولي ميت بس عايش في حشايا
قلبك طاهر حنون وما ملكه احد سوايا = لكن هذا القدر يابنـت وهـذي المنايـا
القدر ما يفرق بين العجايـز والصبايـا = والموت واحد بالسيوف او بلدغ الحيايا
لكن وش حيلتي لاصار الثرى غطايـا = والموت جاني وصفحتي فيهـا خطايـا
بطلبك دعوه في سجودك وبعد التحايـا = تنفعيني بها يـوم كـل البشـر عرايـا
هذي وصيتي بعد ما شفت كل الخفايـا = كتبها عني شمالي مـن عيـال الطنايا

لعنبو حظي الردي كيف ما اقساه = كانه يحطمني كل ما قلت ابتسم

من باعنا بعناه ولو كان غالي = ونعطي اللي يشتريه فوقه دراهم

لو الغلا جاء منك يابنت سكين = لأغرزه في داخل الجوف بالهون
ولمكنه في داخل القلب تمكين = ولقفل عليه بضلوعي واخليه مسجون

يقولون العرب صـــدر الشمالي .. مايضيق بساع =وانا اقول الصدور اليوم .. ماعادت شماليّه
بدت في داخلي ضيقه عجزت القالها مطـــلاع =تغيب . وترجع . وترجع تغيب . ومالها نيّه
عمتني كلمةِِ جتني . وضقت .. وضاق صـــــدر القاع =الا يالله لاتجزى غشيم ٍ .. قالها فيـّه
لهو صفاع .. ياربي .. ولاهو للعرب نفــاع = بلاني وابتلى حاله ... وبعض الناس مـبليـّه
نهيته قبل هالمره .. يخلي سيرتي .. مـاطاع =الا يالعنبو جــد القصيد .. ولعنبو بيّه
ضعيف النفس نسونجي يشوف بعينه الاطـباع =يحسبني مثل ربـعه .. يسوق بضاعته لـيّه
انا اشري .. لابغيت اشري .. ولاني مساوم البياع =الى من قاللي ميّـه .. عطيته فوقها ميّه
انا اكتب .. لجل من يقرا .. ولاارجي من يقول ابداع =وابد لاتحسبن مثلك يشكلي أهمـّيه
ترى ياهيه .. لامني نويتك .. بس اطــق اصباع =يجيني الف شيطان . ووراهم الف جنيّـه
أجرك من طرف حرفك .. وارد الصاع ميّة صاع =جنون القاف ... ارقصها ... على راسك .. هجائيّه
يويلك لو توليتك .. وربي .. مالك الشــفاع =يجيك من القصيد .. احسب 300 ،،، 300 .!!!؟
ولكن خلك بحالك .. مادام ان الصدور وسـاع =ترى للحين ماضاقت ولسعها .... شمـاليّه

الهديا من دون صاحبها مرض = تنحر خوفقي كل ما ناظرت فيها
يالهديا والله مالي بك غرض = وش لي بالهديا من دون راعيها
دام ربي علي الفرقا فرض = نذرن علي الهديا ما اجيب طاريها