ياوجد حالي وجد من عدى الحدود=في ليلتن شلتا* غزيرن مطرها
يركض على رجليه حافي ومطرود=مطلوب للدوله قصاص وهجرها
وياحن قلبي حنة الشاص ياحمود=على عجوزن طولت في سهرها
سهرانتن والناس سالين ورقود=من له ثلاث سنين تشكي قهرها
أغلى عياله قيد اليوم بقيود=مسجون ظلم وتهمته ماخبرها
وكل ماهوت للنوم مع هبة النود=يطري عليها غالين ينتظرها
يسريبها الهاجوس وطيوفه السود=وإمن القهر والظيم شيب شعرها
وخلاف ذا يامن تحليت بالجود=يامن له الطولات كلن ذكرها
وش هقوتك بالقيد لاصار مشدود=على يد المظلوم يمدي بترها
ووش حيلت الرجال لاصار مقرود=دنياه ماتصفي أبد لو شكرها
أرقى النوايف وارفع الصوت ياحمود=لين الذيابه تجتمع من ذعرها
واقنب قنيب الذيب لكن بلا فود=أرجع تعيسن منجرح من وعرها
ويالله يارحمان ياخير معبود=يامن ذنوب العبد بأمره غفرها
تفرج لقلبن من عنا الوقت ملهود=يامفرج الضيقات منك انتظرها

الموضوع الأصلي: سجين مظلوم || الكاتب: بدر عليان || المصدر: منتديات الأماكن

المصدر: منتديات الأماكن