ههههههههههههههههههههههههه أوووما مترات

ما شا الله تبارك الله .. وصرتي تتكلمين فرنسي بعد


صراحه عاد يوم شفت أول صوره .. قلت وقف يا ولد .. هذي صورة مكان كشته وإلا كتاب جولوجيا؟!

وش ذي مصورتن حصى !! .. لا يكون درس عن طبقات الصخور خخخخخخخخخ

ثاني صوره .. قلت وش ذا متسان تفحيط .. بس يالله مشها .. أكيد المفاجعات قدام

بس عاد يوم درعمت قدام شوي يوم بدا الجو يزين وغيوم وأمطار وعلومن زينه <<الأخ يسوق؟

ويوم أقبلنا على الفيضه والخباري وسعة الصدر .. ومير أوقف .. أتفرج طبعا .. على بالكم بأسبح لا سمح الله

بعدين انا موب خايف أطب محيفره وأسبح .. بس ذا المويه ما فيها كلور << يسمع به في مسابح الاستراحات والا لو يقابله ما عرفه




أختي الغالية ألماسة القلوب


صراحه صراحه .. كشتتكم <<قولوها خمس مرات>> خووقااااق على قولتكم

شي روعه .. وذا المتسان والفيضه شي يرد الروح .. بس أشوى انتس ما غرزتي في الطين وبنت خالتس أمداها تمعط يدتس والا تسان علوم .. الله ستر والا وقتها والله ما ينفع حتى معط الكشه

على فكره .. يالشقرديه .. الحين نسفة ذرعان .. وشبة ضو .. وآخرتها تخافين تنومين في البر

عشان تسذا بديت أشك انتس شابتن في الديرم وتقولين حطب خخخخخخخخخ

موب عاقله أجل .. بحيرة لبنان وقمر وحركات .. الا ما بسطتي بالمره واستفدتي من الكاشتين في ترويج الديرم والشروخ

المشكله ما تجي .. حاولت اربط الامور مع بعض تعبت .. يعني مترات وهونيك وهيدا وتبعا .. مع نسفة ذرعان وبسطه وديرم وطواقي زري ههههههههههههههههههههههههه ما تجي

الا تسان عندتس لغتين

تسلمين يا غاليه وتسلم يديتس على التصوير الروعه .. وعلى الكشته الحلوه .. تصدقين منسمج مع الصور لدرجة حسيت اني انا اللي كاشت << سجل عندك أرنب سريع

المعذره على الشطحه <<غير السطحه اللي قالها سيف >> والإطاله .. تحملينا فديتس

بانتظار ما تجود به كاميرتس من جديد


يسعدتس ربي ويوفقتس في الدارين

دمتي بود وألف خير