وشلون الناس موسم وعيد .. وانتي تاركه البسطه ورايحه تفرفرين؟! << جاي يشتري طواقي

والله حلو الاختيار .. أشوى فرفرتس جابت نتيجه << من اللي سجل الأهداف؟ <<بلا سماجه من أولها

ما يحتاج تدقين .. اللي قلتيه صدز .. موظفين هنا ما يمديهم على مثل هالزبرقه والكشخه


هههههههههههههههههههههه أما المدخل ورد؟! .. ذكرني بالمنديل اللي على راس أم فتحي

لا وتروجين يا نوير لبسطتس في قوقل .. هاااه؟! .. هين إن ما أرسلت أعلم بيل قيتس << خابص أبو أهل التنكلوجيا

والجو بصراحه يقهر .. موب الواحد منا مقابل في الدوام فهيد والا ضاوي والا عبده وأحسن واحد عندنا ندلعه أبو داحم

عندهم جو عمل رومنطيقي .. وعندنا جو مشبّع بروائح الفول والتميس وصنان المراجعين << ما ودك تحط لك شركه بلحالك وتفكهم من غثاك يا ديفيد على غفله

أجل بالله هذي حاله .. الناس تطل على منظر حلو يفتح النفس للشغل .. وحنا نطل على مواقف سيارات ما فيه ابن أمه موقف موتره زي الناس .. تسنهم عند مسجد العيد موب دوام

يا ويل قلبي .. لا ويلعبون فرفيره وهم يفطرون في البوفيه .. وبوفيهنا ما فيه الا طاولات حديد وكراسي خشب الواحد يلعب فيه الحفا إذا جلس عليها
ومقابل ناس الواحد وده يخلي فطوره ويقوم يحوس مريرك ويمردغك عشانك طالعت فيه وهو يفطر
الله أكبر الحين مطالع في جوليا روبرتس تفطر وإلا أنجلينا .. ما درى إنه تمساح معفن وشنبه مليان فول قلابه ناقص يلحسه بدال التميس

لا وحاطين لهم مراجيح تهي .. حلالاة من دف ذا اللي عند الدريشه <<بدا يحقد>> والا فر ذا ابو لابتوب عشان يضيع أم المخمخه


لا وذا الديكورات والكباين والألعاب .. والله إني أول ما دخلت أحسب إني في ملاهي

خلاص أنا منقهر <<أزين>> ما عاد أدري وش أقول ووش أخلي <<ما ودك تغنيها؟!>> كل شي أروع من اللي قبله



راعية البسطه .. قصدي ألماسة القلوب


لا هنتي يا غاليه على هالاختيار الروعه .. والتعليقات الأروع .. يا حبي لتسذا

حتى لو مكرر الموضوع .. تعبتس يستاهل التقييم .. وإن شا الله بتعيدين حتى لو حذفوه << أمحق رفع معنويات


لا تحرمينا من جديد إبداعتس .. والحمد لله على السلامه مرتن أخرى

والعذر والسموحه على القصور والاستراحات .. قصدي الهذره


يسعدتس ربي ويوفقنا وياكم في الدارين

دمتي بود وألف خير