جت تستثير الغفوه اللي صاحبت عام الغياب=جت تستفز الشوق مدري تستفز أحبابها
جت تستثير الجرح مدري جت تشوف أشلون طاب=جت للمكان الي جمعنا قبل عام غيابها
كتابها مثل السماء ويدينها مثل السحاب=وخطواتها مثل الرعد والبرق دمعن جابها
يوم أقبلت مثل الجفول اللي تخاف الأقتراب=والعطر يسبقها ويرجع يحتمي بثيابها
استأذنت قبل الجلوس وماخذت مني جواب=وااستوحشت بعد الجلوس وناظرت بكتابها
ومن بعد ماطال السكوت وملت العين الكتاب =بدت وانا لو مابدت ماكنت أبد أبدابها
حكت بصوت الي تعب وعيون يملاها السراب=وأحكي بصوت اللي جلس قدامها وأغتابها
تحكي وانا مع كل كلمه ينفتحلي ألف باب=وعيني على الدمعه وهي متمسكه بأهدابها
وأتذكر أيام الشقى يومي من الفرقى مصاب=وأشوف كيف الدمع الأول صار أعز أصحابها
وأتذكر أني قد سقيت الجوف من عيني شراب=وأدمنت دمعي لين قلبي تاب وأقفل بابها
تحكي ..وتحكي... وش حكت!؟ يمكن رجاء يمكن عتاب=بس الأكيد أني انا اللي ماحسبت حسابها
ماشفت في دمعاتها ونظراتها غير العذاب=اللي انولد في داخلي واللي كبر بسبابها
والحب هو ذنب القلوب وقلبي استغفر وتاب=كيف أتحمل ذنب تايب لاحشى ماأرظابها
ماهو تكبر لاوربي كلبونا من تراب=لكن أخاف الشجره اللي قد لدغني دابها
وراحت وأنا أدري ليه راحت! ماخذت مني جواب=لو كنت مدري ليه جتني بعد طول غيابها

الموضوع الأصلي: ●{ عــام الغيــاب }● || الكاتب: انساني || المصدر: منتديات الأماكن

المصدر: منتديات الأماكن