يآ زين مات الفرح وبطت تباشيره=وليا متى والزمان الشين يعصاني
ياما صبرنا على الوقت ومقاديره=أصبر على الوقت ويامي تحداني
والقلب يخفي عن العالم مخاسيره=من شان ما يشمت القاصي مع الداني
واليوم تنسى هوانا يالله الخيره=وشلون يازين تنساني وتجفاني
ما جاك مني خطا وتفضها سيره=عقب الغلا فرحت عدوانك وعدواني
يآ مل قلبن عزاه أتلى مذاخيره=على وليفن غلاته من غلا خواني
كم كلمت(ن) قلتها وقول الخيره=وكم كلمت(ن) وقفت في طارف اللساني
مآفات حبي له وعشقي وتقديره=مات الهوى والبقى في عمره الفاني
الغصن مايشتكي فرقا عصافيره=ولا يشكي الوقت لو يموت عطشاني
لو يعتذر صاحبي نقبل معاذيره=مير البلا راح لاجيته ولا جاني
اقفابه الوقت في ديره وانا بديره=يابعد خده وانا يابعد خداني
لو البلا البعد ماتتعب مشاويره=مير البلا هاجسه مع واحد(ن) ثاني
والمقفى اليا تبعته تعتبر عيره=ما والله اتبعه وخلف سلم جداني
كيف الهوى مات في صفقه وتصفيره=وهو ليا ضاق من دنياه ينصاني
اهل الهوى همها ياكبر تأثيره=وكل(ن) يغني على يا لاح ليحاني
وانا من الحب من حفره لدحديره=معاد تفرق معي لو عشت وحداني

الموضوع الأصلي: أنا والزمان>> || الكاتب: ][بَكَرهَ يم‘ـرَِكً قطآرُ ألمؤتّ وّتسَآفرًَِ ][ || المصدر: منتديات الأماكن

المصدر: منتديات الأماكن