ياعميلي شيل قشك جهزه واطو الفراش=جاك من صالي سعرها ويقتلع كل الشروش
شد حيلك و الحزام مابقى فيها معاش=شوش يالذيب المسمى لاعتليت الرجم شوش
لانهش جرحك عليك امزره يوم النهاش= دايم ن نابك شطير مفتري في كل هوش
حايش ن معنى الرجوله حاش مافيها وحاش= وحش ذو مخلب وناب جامع اوصاف الوحوش
ساطي الهده بعيد ما يقرب للهشاش= ساري الليل العتيم وين ما يسري ينوش
دايم الضبعه وراه ومن مفاريسه تعاش=رأفت ن منه عليها لا تموت ام الفشوش
هذا هو ذيب الحنايا جارح ن وقت الهواش= يخرز جلود الحيايا وين ماوجه يدوش
جاشت افكاره وهام من ضلوعه يوم جاش= ضارب النيه سلام وضارب رماله فشوش
هذا موجز للسوالف فسروا لي ها لنقاش= هل صحيح الذيب يطعم ضبعة ن تهوى الكروش
وهل صحيح الذيب كلب عايش وسط العشاش= وهل صحيح الذيب واحد من بشر وجهه بشوش
ليت تعطوني الحلول والردود ابغاها كاش= و اقبلوا مني تحيه وردة ن فيها نقوش