يا سلاااااااااااام .. تنسيم

أشوف المشاريع كثرت بعد مشروعي للطقاقات <<أبوك يالاستثمار>> .. صراحه .. موضوع شكله حلو وعجبني <<عاد انت كل شي يعجبك يا طلال سلامه على غفله

لأجل كذا الله يعينكم .. دام الدعوى باصات بأسوق شوي وأمسك بكم خط <<راحوا فيها

يعني بالعربي .. كلام الأيام اللي راحت كلها بأطلعه فيكم هنا


لحووووووول .. الحين الإشراف يسوي كذا <<هين شكلك بتنحذف من دريشة الباص وانت ما بعد ركبت

ماشاالله يا شاعره .. بفكرة ذا الباص صرتي تنافسين .. أبوسرهد للتوصيل

ههههههههههههههههههه حلوه .. شاعره .. قلت خلينا نسوي باص .. وين عازمه الصبايا وطابخه سليق انتي .. ترى هذا باص ما يسوقه إلا تماسيح مفتولين الشنبات والعضلات <<لا تنصب حتى أبوهنود يسوقونه

أنا شكلي بأمشي وراكم بالونيت <<وين مسافرين>> أصلا باصاتكم اللي خط البلده أزين منها ما عجبتني ولا دخلت مزاجي <<احمد ربك إنهم بيركبونك


هههههههههههههههههههه .. أجل تمساحوووه السواق .. لا أوصيك يالذيب تسحب جلنط كل ما سمعتهن يحشن في التماسيح ..
وأهم شي إنك توبد <<ألا يا عارفينها>> المطبات وينها فيه خصوصاً جهة اليمين اللي راكبين فيها وتنصى المطب مع لمسه خفيفه على الفرامل على حافة المطب عشان يحسون إنهم بنطيطة ملاهي مع فرق وش بينزلون عليه بعد النطه <<أكيد على ماصوره والا كرسي مكسور
انت طبعا ما عليك خوف لأنك متمسك في الطاره ومجود عمرك <<مجرب ذا النذاله قبل كذا


لا والله اللي راحوا فيها .. اللي خفايا الروح حارس؟!!! .. يا هو بيلقم من الأهداف لين يقول آمين <<حذف وعلى باله حارس مرمى>> وأسهل شي بيقدرون يلعبون عليه السحالي ويبخششونه بسندوتشات من فسحتهم <<قايلين لكم مضيع وهو ما بعد ركب عشان كذا ما يدري وش ذا الحراسه .. شوي بيحسبه حارس على بنك


بعدين تعالي .. يا راعية الباص <<بدا يعيرها من الحين>> .. وش ذا الشروط الصعبه .. تقولين للسحالي على اللي بتسجل لازم تصير حلوه .. على كذا ما جايكم أحد ههههههههههههههههههه <<هين إن ما خلوك تمثال على ذا الباص

أما من ناحية السكسوكه .. ما يبيلها اللي ما بعد طلع له شعر .. الله يخلي الرسمات والتلاوين .. بعضهم من الغشامه بيستخدم صبغة كنادر <<هين انت بيسلمونك لدوريه



ههههههههههههههههههههههههههههههههههههههههههه

أكثر شي عجبني شارع السنتين ههههههههههههههههههههه بالله وينه فيه .. شكلتس تكتبين والباص يمشي هههههههههههههههههههههههههههههههههههههههههههههه ااااااااه يا بطني


إلا تعالي .. كذا ما يصلح وش ذا الانحياد .. موب على كيفكم انتم تجلسون على اليمين ومكيف وعطور وحركات <<الحين منتب راكب وش دخلك>> ما بقى إلا تتطيبون بمعمول <<عسى عشان يشب في بعض العرادات>> اللي ريحته تخلي أطلق كمام في العالم يخرب .. وشلون عاد الخشوم .. ذا المعمول مفروض يضم لأسلحة الدمار الشامل اللي تضر البشريه <<موب كنه ذا المره حذف وبقوه عن الموضوع كن حاده واحد راعي باص

والتماسيح حاطينهم على اليسار ولون أخضر بعد .. ما لي دخل أنا أبي لون ترابي <<ترابن بوجه العدو تتشرط انت وخشتك>> أحسن شي لتمردغ التماسيح بعد الشاور


لا .. ومن زود الذمه .. حاطه لنا مكيف صحراوي .. أجل وش ذا اللي ينقط مويه .. إنا لاقين مويه نشرب عشان نبعزئها في مكيف

لكن يكرموا .. ولعيون السحالي <<كثر منها>> بنخليكم على اليمين .. موب يقولون .. ليديز فيرست <<ترجم لو سمحت>> ومنها تصيرون بجنب الباب أقرب شي للدفه <<الدفه وإلا الأصيل كح كح يا قدمك


من ناحية المعاكسات لا تخافين ولا تشيلين هم .. أصلا التماسيح هم اللي مطنشين وما بعد باعوا أعمارهم يتهورون مع السحالي .. لكن الخوف عليهم منكن <<قريبه من لنكن

في النهايه .. إذا امتلا الباص سحالي ياليت تمرين بهن علينا في مشروعنا للطقاقات <<أبوك يالمصلحه>> يمكن ينفعون في الفرقه ..
انتي ما عليتس هاتيهن بس وحنا بنتنقى منهن <<وين بتشتري جح انت؟


سامحوني على الإطاله .. بس كل التنسيم حق الفتره الماضيه شكله طلع هنا .. الحين يبغى لي أطلع كم يوم لين أركد <<أزين لك قبل تدوخ في الباص<<أول مره أشوف دوار بحر يجي إذا ركبت باص


يسعدك ربي .. شااااعرة .. على هيك موضوع روعه .. ايه من وقت لوقت احذفي على مواضيع الفله والوناسه ترى يجي منك ترى في التنسيم <<وين قايلين لك اختبرها؟