اللي يستهينون ببعض السحالي .. تعالوا الله لا يهينكم وشوفوا .. والله يا بعض السحالي عن كم تمساح لا بشهامتها .. ولا بجراءتها


أولا .. تعريف بالسحلية موضوع اليوم .. وهي تشتغل مصارعه

على اليمين .. صورتها وهي مبسوطه .. تسنها دجاجتن كانت مرجنه على بيضها وقامت تتمغط

وعلى اليسار .. تسوي حركه تخويف لمن تسول له نفسه ويباريها




هنا في العزبه <<وين بنقاليه >> مع السحليه بنتها مدري احدى المتدربات على يدها <<شكلها تتعلم فيها خخخخخخخخ




لا تحسبونها رايحه تتمشى .. أبدن .. هذي تمارينها كل يوم تسذا .. لازم ترقى جبل <<سحليه لازم ترقى أي شي




طبعا زي ما انتو شايفين .. قاعده تقلّب في خلاقينها .. تدور التكميله خخخخخخ .. وواضح من الصور اللي على الجدار تولعها بالمصارعين وحاطه صورهم .. تخطط تصير زيهم

وشكل ذا السحليتين الصغار بناتها .. وودهم يقولون لها .. إلبسي سترتش أزين لتس من ذا الخيمه اللي انتي لابستها




التمساحه قاعده تتمرن مصارعه على حلبه خاصه في حوشهم .. ويظهر في الصوره الطاقم التدريبي والفني .. مع سحليتين تمزمز عليهن وتردع فيهن في كل تمرين




الحين جا وقت الجد .. وهي داخله للحلبه الرسميه وتحيي جمهورها




طبعا هي ما عندها مانع .. من زود التحدي اللي فيها إذا صالت على العالم .. تصارع تماسيح .. وطاحت بيد ذا التمساح اللي زنطها زنط




ولازم نلقي نظره على بعض جماهيرها .. ومنهم ذا السحالي قاعدين يشجعونها وشكلهم يا خواتها يا جاراتها



وذا أم مشجر اللي على اليمين على ذا الكشره وأسنانها اللي تسنها خرامه ذكرتني بضحكة شقاوه في شيخوخة السحالي خخخخخخخخ

والزئيمه .. في أقصى اليسار .. مروقه للاخر على الطقاق وتشرب عصير

وأم دمجه بينهم في النص .. تصايح ومحد جاب خبرها .. أول مره أشوف وحده تصارخ متحمسه وهي تاكل علك

ونلاحظ أم النوم خلف ضحوكهنيشن .. حتى وهي في المدرج نايمه ولاعبه على العالم مسويه متابعه المباراة .. أشوى إن فيه إزعاج جمهور يغطي على الشخير .. والا تسان علوم .. وطبعا واضح على يسارها زوجها أبو النوم خخخخخخخخخ .. ذا اللي تسنه ماكله البرد وهو أصلا ماخذن له غطه زيها

وتلقون راعية البسطه ريم الماس تدور بين الجمهور .. تبيع ديرم خخخخخخخ
الناس يبيعون سندوتشات وعصير ومويه على الجماهير .. وذي تبيع ديرم ودوج وصعرور .. الله لا يبلانا بمثل ذا التنسيم <<ياخي انت شف نوعية الجماهير


بعد ما خلصت من التمساح الأول .. استلمت تمساحن آخر .. يا هي سطرته تسطير .. خلته كاروهات خخخخخخخخ




والدور الحين على سحليه ثانيه .. لا تفوتكم الحركات .. ذا أم تفاحي على ليموني ولبسها اللي تسنه شجرتن لها مده ما ذاقت الماء <<تشبيه راعي خضره>> على بالها إنه بتستدرجها وتقول في أمتس خير تعالي

والسحليه القويه تسنها خروفن بينطح له شي .. قاعده تسخن وهي تفحط بمحلها .. ناويه تدرعم وهي تمشي ألف




المهم إنها محطت بها محطن موب صاحي .. وتمردغت في بطنها .. عشان تتوب ما عاد تتحداها




وهذي إحدى اللقطات لها .. في وحده من مبارياتها اللي تردّعت فيها لين قالت بس انقلب راسها <<وين سياره>> ونطت على مدربها وحطت حرتها فيه





هاه .. أحد وده يباري ؟!!








دمتم بود