يكفيّ . .

يا غايبه ما عـاد فيهـا يقولـون
..............اللي خذيتـه مـن غيابـك يِِكَفّـي
يكفي تعب يكفي معانـاة وظنـون
..............يكفي ألـم كـل الخلايـق بكفـي
أنتِ تركتيني على شان يرضـون
..............عذال قلبـي مـا وقفتـي بصفـي
غبتي وصرتي شيخة اللي يغيبـون
..............يومك مرادي واللقاء فيـك شفـي
واليوم ابنسى مثل ما الناس ينسون
..............والنار في قلبي مع الوقت تطفـي
بعلمك وشلـون الأحـرار يقفـون
..............وأعلمك وشلون الأشـواق تقفـي

لـ الأنيق// ســطـآم الشـآمـآن

طيّب ..
دريت إنك مع غيري الحين!
يعني بـ ظنّك لادريت آتحسّرْك ؟!

يا شاغله نفسك بقلبي ..
وبعدين؟
عيشي حياتك واتركي ما يساورْك

عيشي..!
عسى الله يسعدك واتّهنّين
منتي بـ ملهمتي.. ولا عدْت شاعرْك!

لكن .. لو إنّك لاقيه من تحبين؟
كوني (حبيبه).. عكس ما كنت خابرْك

كوني بضيقات الصدر له ميادين
يطلق عنان البال في وسْع خاطرْك

كوني لصحراه المطر .. لا تكونين
شمس الجفاف وتحرقي باقي أخضرْك

وبلّي عروقه من حنانك .. تشوفين
وشلون ينبت في شعوره .. ويثمرْك

وْلا تكثر أعذارك عليه وتغيبين
لا تقتلي روح الرضا في تكبَرْك

وْلا من حكيتي حطي العين بالعين
وخليك مره صادقه في مشاعرْك !

وْلا يشغلك ذِكْري.. وياليت تنسين
مادام من خُبْرك وأنا ناسي أذكرْك!

عبدالله الظفيري