صح الله اللسانن على الجزل ضاري=اورد قصيده في بيوت(ن) عديده
اشعم بناره يوم انا اشعمت ناري=ومن بيننا نار القصايد وقيده
وصدنا الجزيل ولاعلينا مزاري =ولاهمنا رايه في سطر الجريده
ولو حطت الاقواس ايمين ويساري=نقفاه دام الراي جاني سديده
عبر الاماكن موجزه عن قراري =فيه الرواسي بالدلايل اكيده
ويابواسيل ان كان منتب امداري = تبي تعيش اخر حياتك زهيده
ليل الشتاء نومه حلوم وهذاري = ومن طول ليله لا تغارب جديده
ولاهوب عن نكبات ساريه داري = اخذ الجواب اللي بجمله مفيده
(( في صحته مثل صحيح البخاري = واضح ولايحتاج شرحه نعيده ))
والقاف طاري ونت مع كل طاري = لاتبتلي فالزاهيا يالوليده
واحسب حساب الجايعات الضواري = وعرف وش اللي تستفيد وتفيده
وليا طرالك ماطرا ونت ساري = قبل تصيد اعرف وش اللي تصيده
واللي تصيده ابرزه للتواري = لاتنقصه ولا تحاول تزيده
ولا يستر العورات ثوب العواري = وش عاد لوانه من اقرب بديده