الله يرحم امك وامي وموتى المسلمين

وهاك ياخلف ابوي هالبويتات


من قريت النبْض ساقت دمعة ٍ عيني قِليبه
طاولتْني ليلة البارح واحسّ القلب ذاب

رجّعتْني عبْرتك يابنْت لسْنين الحبيبه
اللي اِجْتثّه خبيث ٍ بعْد مارْواها عذاب

من هذاك اليوم لين اليوم والدّمعه قِريبه
كلّ مامرّت فبالي صاحت اجْروح ٍ عطاب

واسال الله واتوسّل له يهوّنها مصيبه
يِلْهمك صبْر ٍ لفقْد امّك ويجزيها ثواب

والرّضى والعفْو والغفران والجنّه نصيبه
وياعساه اتْواجه الرحمن بيمينه كتاب


برق