عثيت في دنياي دون العنايه=شيطان فكري غرني بالصفاتي
امجمل المشبوه عند البدايه=ومشبه المجمول بالمعقلاتي
مثل السفيه امشي ولالي ولايه=امشي بسريه ولحدن يحاتي
هذا صديقن لي وذولا عدايه=والكل منهم مادرى بمنتجاتي
من شافني منى وهنى اصدقايه=بطيبة الاخلاق وحلو السماتي
مايدري ان الجرح عانق حشايه=تمسي عيون الخلق ولالي مباتي
في ليلتن ونيتها من بلايه=ونيتها وابديتها في صلاتي
حاسبت وشهو بقى وش معايه=لقيت شوكي زارعه مع نباتي
نسيت احسّب ماطلع بالنهايه=اثر الغنيمه عودت للشماتي
ماكنت اصدق مامضى من سوايه=جاهل ولالي بالجهل من نجاتي
بعت الثمين ابسوق عم الرخايه=وابديت سومي مابديت لغناتي
دنيا عظيمه افصخت بالعبايه=عادت رحاها وانطوت في حياتي
همي بيومي لجل اعيش الهنايه=مثل البقيه عايشه في هناتي
قالو لي يانواف شفت الرجايه=تبقى على طول الدهر بالدناتي
قلت البلا لاطاح شد المطايه=وشلون نحمل حملنا بالجفاتي
لكن طفّو مانّوقد في حشايه=لا لا تزيدو شعلتن في حياتي
والله يسامحني و يغفر خطايه=ذنبي كبير و مكّبرك ياسواتي
ادعو لي..ادعو للخلايق هدايه=وحسن الختام إليا لفانا المماتي
غير الدعاء لا لي منى ولارجايه=همي بقلبي طبه صدق الدعاتي