لاحلت اسهوم الغلا بالتوجاد=يبقى اثرها بين كل المجاليس
ياللي تعد النجم مالك بالارقاد=خل المبات وعانقوها بحاسيس
كل القلوب العاشقه فيها وقاد=لاقبل عليها الليل جات الهواجيس
تبني وتمني مامضى ليت ينعاد=وحبر القلم شكت عليه القراطيس
عامين عشنا مارسينا بميعاد=عامين صرنا من عناها معابيس
ارسل طيور الحب لاحل نكاد=من ضمنها زاجل يحب النواميس
يم الغزال اللي لها قلبي انصاد=والشاهد الله صابني رمح بالقيس
فغيابها مالي رسايه ولا اسناد=راسي غلاها بانيه فيه تأسيس
تالي لهبها مايعود لي ارماد=قولوها للي يعشقون الدنافيس
النفس شانت ماتبي طعمة الزاد=في غيرها ماهمني يالمهاليس
وختامها مقيوله واليوم تنعاد=ابليس ياملعون ملعون يابليس