تراني مبطي عن ذا المواضيع .. ويقولون إنهم راح يمنعون صور الحريم من المنتدى .. فقلت أستغل فترة المهله اللي حطوها وأسدح ذا الموضوع .. لسعة الصدر فقط ولا غير


طبعا بعض السحالي يحبون يتميلحون <<اللي في الصور طبعا اوب اي احد من المنتدى>> ويطلعون طلعات في لبس أو استخدامهم لبعض الأشياء وحركات أحيانا من جنبها .. كما هي الصور التاليه


يعني ذا الشيّف (جمع شيفه وهي مرادف شينه) يوم بغوا يغطون دمجهم (جمع دمجه أي الرأس) قاموا يخترعون حركات ما لها داعي




يا شباب .. اللي يدخنون .. بالله ولاعه خخخخخخخخ
وش ولاعته .. هذي يالله نولعها بـ حطبه .. لا ومن زين العلوم مركبه طفايه في دمجاتها .. الخلا مير الخلا





وانتي يا عجوز قريح .. قالبتها ملاهي على دمجتس
حلالاة من يجيب عيال الحاره يتعنقطون في ذا المواصير اللي على راستس





يا هوووه .. يالصحن الدوار .. شكلها حاطتها مروحه عشان تسذا ماسكتها لا تطير
لا والأظافر ذا اللي تسنها كيسة تفافيخ طوال ماشيه بنفس اللون





منتيب عاقله الله يقطع ذا الفرّه (مرادف للخشه لكن خشه متشققه على غير سنع)
يعني يقالتس بتقنعينا إن النحل بيلاحقونتس على ذا الورد يالمزهريه
وينتس يا راعية البسطه والديرم؟ .. الله يذكرتس بالخير .. تسان تجربين معمول ومبثوث في ذا المدخنه





يا عيني ع الفراوله وبتاع الفراوله .. أمحق
حلالاة من حط دمجتس في خلاص مولينكس .. وإلا عصّاره كبس .. وبنشوف يطلع فراوله وإلا مخ ناشف





وش تحسين فيه انتي وفرّتس؟ .. موب ناقصتس رسيفر؟ .. يا عربسات مدري نايل سات على غفله
لا ومصوره بجنب ملعب .. شكلهم ينقلون بها المباراة خخخخخخخخخ





لا لا .. ما أقدر على كذا .. وينتس في العيد عشان نصرّف البزارين على دمجتس
وإذا خلص الحلاو يقلبونها لعبة مصاقيل في ذا الصحن .. لا والنظاره حركه نفس لون الحلاو الموف





لا عاد ذا الثنتين .. شي ثاني .. خاشين جو .. مصدقه هي وياها إنهم بتسذا صارت فرس نهر مدري بحر
حدتس انتي وياها حصان ابليس خخخخخخخخ << واحد ما تعرفونه





هذي إذا قالوا لكم تبرع من أجل الاخرين .. هذي هي .. يعني بتقنعنا انها متبرعه لأي أحد تعبان يجي ويحطز (يقعد بدفاشه من التعب) على دمجتها .. وعادي يعني
ايه خلي ذا الدوب اللي وارتس يجرب ويحطز على ذا الكرسي اللي انتي حاطته وشوفي اذا ما طلعت عيونتس تسنها ذا العقد اللي انتي لابسته





طبعا انتي ما لقيتي شي .. رحتي حطيتي شعار الألعاب الأولمبيه .. يعني إني رياضيه
اوكيه موافدزين نسايرتس في هالشي .. بس بشرط .. نصفتس بجنب عجوز قريح اللي فوق .. ونكمل بتس الملاهي .. عشان ما تتعودينها ثاني مره وتجيبين ذا الحلقات
خليتس في حلقات البصل أزين





الحين على ذا الابتسامه الزينه .. ودامتس عارفه انتس طخما .. ما لقيتي الا ذا الموديل

طيب افرضي .. قابلتس أحد مزنووووق ع الاخر .. ومنعمي ما عاد يشوف قدامه الا ذا الكرسي اللي فوق دمجتس
وش بيصير شعورتس وقتها؟!
فكري في الموضوع قبل تحطين أشياء زي تسذا << صدق إنه يحاتسيها



إن شا الله الموضوع ما ضايق أحد .. اللي انبسط هذي الساعه المباركه .. واللي ما عجبه لا يدقق



على فكره .. اذا بتحذفون الموضوع أو تنقلونه متسان ثاني علموني من الحين عشان أسحب المعامله كامله
ما له داعي معاريض ومحامي وخساير


دمتم بود