الغم والأحزان وإمصارع الهم=روتين وإمتحان من خالق الكون
العبد مثل الثّوب وأحزانه الكم=قليل تلقى ثوب والكم مكبون
الشخص صبره عِرقْ وإيمانه الدم=كانه قوي إيمان فالعيش مضمون
[ دام العيون إتشوف وشفيك تهتم=غيرك يبو زياد ماعنده عيون ]
ومادام لك رجلين وبخشمك إتشم=لاتلتفت للناس مهما يقولون
النذل مثل الدّاب إليا امتلى سم=طشّه على اقرب حي والناس يدرون
إن الحياة دروس والمرجله علم=مايتقنه من كان بالذّل مشحون
والصاحب اللي يانخيته تبلعم= أحسن على ماقيل تعطيه سيفون
إن كان لك غايه فنا أقولّك تم=أشّر عليها بس والباقي يهون
عبده هلي والعز بشيوخ الأسلم=وسنجاره لياضقت لجلي يشوشون
شمر هل الطولات ياكافر أسلم=شمّر هل الطولات وإبليس ملعون
وكل القبايل إيه قبل آتكلم=أفعالهم لاشك تبقى ويبقون
والبارحه يوم القمر ياسعد تم=أمسيت أنا والحال من دون في دون
لي عشقتن من دونها ياصل الدم=فوق الرّكب والموت ناسن يحومون
حوله وأنا ياخوك همّي تراكم=أخاف أهلها لاطلبته يعيّون؟؟؟

الموضوع الأصلي: الـغـم والأحــزان ... || الكاتب: بدر عليان || المصدر: منتديات الأماكن

المصدر: منتديات الأماكن