انت يانور الهوى مدري ضلامه=لاتخليني بعد ماسرجت خيلي
جيتك مطفي غلا مدري غشامه=شلت والطيب من العاده يشيلي
ماكسبت من الهوى غير الكرامه=ولا عشقت من الرجوم الا الطويلي
ياحمامه غرديلي ياحمامه=غرديلي ياحمامه غرديلي
علمي قلب العنا يذبح غرامه=دام خله في غلى غيره يخيلي
مايهز الطيبيين الا الملامه=ولا يروم المجد نكار الجميلي
ومن بنا بالمنحدر وارسى خيامه=ماينام الليل من طاري المسيلي
وين راح الفكر يامال السلامه=ماتشوف الدمع من عيني يسيلي
قال تبكي..؟ قلت انا ابكي من ندامه=قال وش يبكيك..؟ قلت ابكي دخيلي
قبل احبك قام قلبي من منامه=قال تسلى قلت لا.. ذا مستحيلي
ويوم قررت الجفا صاحت عظامه=قال قلبي خنتني وامسى قتيلي
قال مات ورحت عنه ببتسامه=عزتيلي ياهواي وعزتيلي
اسمع المشتاق لاتنسى كلامه=ودي اعلمك قبل اعلن رحيلي
لاتغرك مع هل العرف الوسامه=ولاتغرك ضحكت الوقت الجميلي
بكره ان قامت على راسك قيامه=منهو اللي يخدم الحر الذليلي
وانت يانور الهوى مدري ضلامه=لاتخليني بعد ماسرجت خيلي

الموضوع الأصلي: قلـــــــــب العنــآ || الكاتب: ][بَكَرهَ يم‘ـرَِكً قطآرُ ألمؤتّ وّتسَآفرًَِ ][ || المصدر: منتديات الأماكن

المصدر: منتديات الأماكن