تقول لي نفسي ترا علـم الأنسـاب=عند العرب تعنـي مقـام وفضيلـه
وأنا وجت البيضا من صدق الأزهاب=راعيـن شمـخ والفعـول الجزبلـه
تاريخ واضح يا طويليـن الأشنـاب=يال العمر ياهل السـوات الجليلـه
اجهلكم اعقلكم مع الكيد خـرّاب=واعقلكم افطنكـم وراعـي دليلـه
واكبركم اللي للعدو صدق هيّـاب=واصغركم اعماله تجيـب الطويلـه
واعيال عمي سالم البـدو واعـرب=أنا اشهد أنك سيف صارم صقيلـه
قداحة المزنـاد فالقـول تنصـاب=ياللـي مناخاتـك علومـن ثقيلـه
شفت القبايل بس وش جاب لي جاب=يالفيضي تسمو فيكم اعظـم قبيلـه
من زود حبن فالحشى صرنا الأحباب=في داخلـي نـار المـوده شعيلـه
وأنا لقيت أهـل المعـزه والأقـراب=جمّالهـم ذل وأنتـوا راعـي جميلـه
يا صاحبي مركى على قولة اتعـاب=نفسـي لمـن تتعـب؟ اذا ما تعنيلـه
تفداك روحِ وكل تلعات الارقـاب=وكـل القحاطينـي بجيلـه وجيلـه
ياللي مريد اليوم أنا غيرك اصحـاب=أنـت رفيقـي مـا أبـدل بديلـه
وأنا صحيبك ماني بالقـول لعـاب=ولاني بوقـت الجـد يـدي بخيلـه
ولاني على صحبتك أنا اليوم مرتاب=ولاني ببايـع مـن رضيتـه خليلـه
ابي تواعدني على الصـدق يـزلاب=وابـي تعاهدنـي علـى هالخصيلـه
أن لا تفرقنـا مشاريـه وأعـتـاب=ون لا تجمعنـا خصيلـه رذيـلـه
أنا اقبل العيشه معك وسط الانيـاب=أنا معاك ارفـض حيـا مستحيلـه
أنا معك با سير لي درب الأصعـاب=أنا معـك نرفـض كـلام العذيلـه
انا معك راضي معاجيـج وغيـاب=أنـا معـك صابـر بقلبـن عليلـه
أنا معك في حالة أن كنـا اجنـاب=أنا معـك فـي حلنـا والكحيلـه
أنا اقسم أن الهم لو كـان غـلاب=لشيل منـك مثـل منـت تشيلـه
ياللي معاك احترت في كل الالقـاب=مـا غيـر اسمينـا رفاقـه أصيلـه
لنا على نهج النبي بسنـه وكتـاب=بنينـا صحبتنـا ولا فـي هزيـلـه
واذا محبتنـا بـلا شـي تنـعـاب=دايـم محبتنـا متـقـوى تخيـلـه
واخر كلامي بعدها بقفـل البـاب=أنت رفيـق اللـي مبـدل بديلـه

الموضوع الأصلي: ؛,؛,؟أعز إنسان ؟؛,؛, || الكاتب: امبراطور الشعر || المصدر: منتديات الأماكن

المصدر: منتديات الأماكن