لي صاحبٍ كل ما اخطي قال لي مرسي = واروح كني معمر منزنق زنقا
غروٍ عسل شفته سكر على ببسي = يعزف له التوت ويجاوب له المنقا
يتل قلبي معه بعيونه الخرسي = ويتل قلبي بعد من وين ما لقا
اليا التقا همسه الدافي معا همسي = الكل في همس خله غارقٍ غرقا
واليا تلاقٍ بعد خمسه على خمسي = تبرا جروح الزمن والهم والفرقا
نفسي مثل نفسه ونفسه مثل نفسي = نفسين في نفس وحده مابها فرقا
ما يفهم احساسي الا مرهف الحسي = ولا ياصل التمر غير اللي لها يرقا
عليه لا اقبل قرينا اية الكرسي = وعليه لا اقفى فوادي ينحرق حرقا
يابو جبينٍ يشابه طلة الشمسي = درقت قلبي على غفله كذا درقا
ويابو نهودٍ نهوده ضايق اللبسي = ويابو ثمانٍ كما لولو ليا نقا
يفداك جمهور من يرفع علم مسي = وجمهور ياسر بعد ومحمد السقا
وتفداك كل العرب والروم والفرسي = وذيب الخلا والخيل والنوق والورقا

الموضوع الأصلي: يفداك جمهور من يرفع علم مسي || الكاتب: محمد العتيبي || المصدر: منتديات الأماكن

المصدر: منتديات الأماكن