خلاص .. نويت ترحل .. ؟


يلي نويت البُعد الله يجازيك







تتركني وحيد وبنظراتي أترجاك
أكتب لك مساء الخير
تكتب لي وش فيك .. !!
أقول سلام الله عليك
تقول وش بلاك .. !!

كل ما سألت ياغالي وش فيك
ترد برد مُبهم وبغلاك
تهجر سؤالي وتسألني بمساعيك
وتقول أنا هنا وأنت والله هناك

أعرف غيري شغل بالك وأقول مو ذيك
الأيام اللي انقضت
ماتقول غير سم و هاك
تامر وتتدلل .. وتسألني وأعطيك
واليوم غدى حضورك مثل قفاك .. !

مير .. ما تكتب غير أسألك
وش بلا ذيك
أثر الحزن أعتلى محياك
يخس الألم وتخس طواريك
من حد يقول فيك بذاك

أنت الخير
وأنت البركة
وأنت كل شيء لك وفيك
ومالك مني غير ماجاك

علشان بس تعرف منو ذوق
ومنو يلبيك
وعشان تقدّر حكي الغلا
لا تعداك

وكان مو عاجبك الحكي
ناظر وجهك
واسأله وش فيك ؟
بيقول لك تحبه ومن قولة فاك

لا تلزمني أقسم ..
بربٍ خلقني
وأبصم على مافيك
غير قلب يتمنى قولة
خذ ترى جاك

تعتقد أني بالهجر بسألك وبناديك ؟
لا حشا ولحشا عن سبعين حلف
عن طرياك

أنت الغلا
وأنت اللي كنت ولا زلت
أهوجس فيك
يوم كنت هنا
ويوم بديت تجهّز شقاك

بس قبل ماترحل
خلني أقول لك كلمة فيك
بس غصبن عليّ طلبتك
تكفا .. أترجاك

هي كلمة ماراح أقول غيرها لك
ولقلبِ سكن فيك
أحبك وحبي في وسط قلبي
مثل حبك لي
في حشاك