الـــســـلاام عـلـيـكـم


حـيـاااكـم


،،


هــــذي قـصـيدهـ فـيـهـا مــدح لـلـبـنـااات

ومـووجـه لـ الـلـي يـخـوون الـبـنـت


//


تدري وش اللي يتعب البنت يـ فـلان
رجلٍ يخــون اشـــواقهـــا و المــودة
إللي إلا احتاج الغــلا صار نمـــــرود
وإلى شبـــع مما عطـــاه إســــــترده
البنت ريحانة غلا ... ناعمة عــــود
تبـــــــي لها رجلٍ ورث طيب جــــــده
رجلٍ فعــــــولة كلها جـــــود في جود
ما يلتفت للي كفـوفه تمــــــــده ...!!
رجلٍ إلا جته الليالي بمنـقــــــــــــــود
..يتكـــى لها ما بيــــــح الوقت ســـــده
مهوب خبلٍ ما رعى للهوى عهــــود
وادناة ما عــــارض طــــريقـــه يرده
ولاهوب لاعلة ... ولاهوب ملهـــود
ولا شكـوك ... و كلٍ طارئٍ يحـــــده
ما اشين من الرجال لا جـاك بـ برود
وإن قال له ترف القــدم شي صــــده
تبـــــي لهـــا براق طيبٍ له رعــــــود
إن اجدبت يمطـــر على ريف خـــــده
وإن نادته تكفـــى لقت عنده الفـــــود
يشيل عـــــزتها علـــــى قـــــــو زنده
كفه نفل ... وانفاس صدره لها عـود
وظــــلاله الضافـــي بيدهـــا تمـــــده
البنت خد ... وقد ... ونواظـرٍ سـود
وريحة غلاً ... ياسعـــد من شـم نده
البنت إلا ضحكت ثمـــــرها لك ورود
يا سعــــد من يقطـــــف نواوير وردة
واللي يهين البنت ناقص ...ومقـرود
فرس غلا ... ماهي حمارة مكـــــدة
وانا عشيري فيــه زودٍ علــــــى زود
فديت خصره لـ نهصــــــر ثم شـــــده
مياسةٍ ما حــــازهـــا زول مملــــــود
.تشكي هواي لقلبها ... والمخـــــــدة
وتمد لي من طارف الكــرم عنقــــود
بكفٍ اذوب من الـــــوله يوم اشــــده
وتصفى ليال العمر والعمــر مطـرود
واشرب غدير شفاه طيب و (مودة)
من يوم هاواني وانا فيه محســــــود
والمشكلة مـ حدٍ يســـــــد بـ مســــده
ضافي جديله فوق الامتان مرجــــود
المسك يقطــــــر من حوايف مكــــده
ورمانه الغضة غـرض كل مكمــــود
يهتز غصن الشـــــوق لاهـــز قــــده
يا ويل قلبــي والعذارى لهـــن مـــود
فيهن من الإحســاس مـ أحدٍ يعـــــده
غضات جسم ولالهن بالبهى حـــدود
بحر المشاعـــــر بين جزره ومـــــده


،،


قـصـيـدهـ ااعـجـبتني وحـبيـت اهـديـهـا لـ صبــايــأ وشبــاب المنتدى الــحلووويييين ........



تقــبــلو تحياتي ........