ماذا تفضل ان تحـــب اوٍ ان تنحـــب؟
كل وحده أصعب من الثانيه
تخيلي لو أحب شخص ما يحبني!!
لو أهديته قلبي وسخرت له مشاعري
وربطت فيه عواطفي وأحاسيسي
وحفظته داخل عيوني
ورفعته فوق عن باقي البشر
وسخرت له كل ماعندي عشان رضاه
ورغبة في حبه
وأوقف جنبه إذا احتاج لأحد يشكي له .. يبكي له
وأتمنى في يوم يقدر اللي أسويه عشان عيونه
في النهايه وجودي في حياته كأمر مسلم به
يعني موجوده لا بأس وإذا ابتعدت ما يحس بالفرق

وفي حالة إذا كنت أحبه ويحبنـــــــي
فهذا حب مكتوب له الفشل إذا لم يتوج بزواج
خاصه إذا كان الحب غير متكافئ
كل شي له بدايه وأكيد له نهايه

أما حالة إن الشخص يحبني
بعد صعبه
تخيلي شخص يحبج ويموت فيج وكل ما قلتي شي قال تم
إنسان يكون مثل طيفج معاج لو وين تروحين
تلقينه بكل مكان
وإذا احتجتي له لقيتيه
يعطيج من مشاعره وحبه ويخلص لج بروحج
في نفس الوقت أنتي ما تحسين بشي اتجاهه
ولا تكنين له أي مشاعر غير الأخوه
تخيلي شنو راح تحسين؟؟؟
أولا راح تحسين بثقل مشاعره عليج
وكأنج تبين تنحاشين بس مو عارفه شلون ولا تبين تجرحينه
وتحسين خاصه إذا ساعدج بشغله أنج تستغلينه
وتحسين كأنج مجبوره فيه
لا أنتي قادره تجرحينه ولا أنتي قادره تحبينه
ولو صار فيج الجرأه وقلتي له ما أحبك ولا أبيك
تحملي عقدة الذنب أولا اللي راح تحسينها
وتحملي الدعاء اللي راح يجيج منه
أخفه
يارب يرزقج واحد تموتين فيه تحبينه ولا يحبج عشان تذوقين اللي أنا ذقته منج
.
افرض انك قــــررت(ي) ان تتــــزوج(ي)
وتقدم لك رجليـــن الاول تحبينه بجنـــوٍن والاخر يحبــــك بجنــوٍن
فايهما تختــــارٍي
من يحبك أو تحبيــه؟
وقتها راح يكون صعب .. بس لو بنفكر بعقل وأنا أعتقد وقتها أي بنت تحب أبعد ما تكون عن التفكير العقلاني
لكن راح أختار اللي يحبنـــــــــــي
لأن لو أختار اللي أحبه .. مثل ما ذكرت فوق راح أموت فيه وأعطيه قلبي ومشاعري ويقابل هالشي مني بجفا وبرود وعدم اهتمام ولا مبالاه .. مره على مره مع استمراره على هالشي راحت تبرد مشاعر الحب وتموت شوي شوي ولا يبقى غير الواقع
أما اللي يحبنـــــــــي .. راح يعلمني شلون أحبه .. راح يعطيني مشاعره وقلبه ويحطني داخل عيونه .. ومهما كنت متعلقه بشخص ثاني بس بحسن معاشرته وطيبته وحبه وقلبه الكبير راح أحبه أكيد مع الوقت
وأعتقد أن أي بنت راح تكون أسعد مع الشخص اللي بحبها
عموما أنا أرفض الحب قبل الزواج .. وها رأي
أختـــــي
أميرة الرومنسيه
يعطيج ألف عافيه على الموضوع
وتقبلي مروري يالغلا