ماهـو بكفـو الوقـت حبك يمحّـيــه=ياللي تخاف صـروف الايـام تمحاه
ارتـاح ..مـادام المواصـل يقـوّيـه=انت انت..وانـا اناوقلبـي هـو ايـاه
حتـى ولـو بتغيـب ذكـراك تكفـيه=ياواحـدٍ تكفـي عـن النـاس ذكراه
حبـك علـى رملـة خفوقـي مواطيـه=ورياح عذلني عنك مـا تمسـح خطـاه
واللي يعـذل القلـب عـن درب غاليـه=الله بمـا يـبـلا الموالـيـف يـبـلاه
خفيـه يابالفـيـت والـحـال يبـديـه=ادنـاة واحـد ينظـر الحـال يـقـراه
مخفيـه فيـه ومعتنـي ٍ بـه وحاميـه=من كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه=كانـك مكذبنـي ؟؟ بعينـك تـحـلاه
شـرط ٍ تشوفـك فيـه مانـت بحواليـه=ويمكن تشوف ديـار واماكـن ارعـاه
وبتشوف بـه تمثـال والوقـت هاريـه=وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه=راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه=وبتشوف باقـي بيـت راعيـه خـلاه
لا تنزعـج هـذا خفـوقـي وباقـيـه=ولا تضايـق مـن تصـدع زوايــاه
قـد زلزلـه فرقـا وهـزت عراويـه=والله ستـر والحـظ عـانـه وعـافـاه
وكانه صلح لك واعجبـك زيـد تبنيـه=إبـنـه وجـهـز للمقابـيـل مبـنـاه
ابغيـك بـس مـن المفـارق تداريـه=وازهل من يـداري شعـورك ويـدراه
وحلـل وحـرم فيـه يابـرك بلاويـه=وحلّه وراع رضاي ورضاك ورضـاه
جعلك بعد بعض الوجيه ... امحق وجيه=نـاس ٍ مراتعـهـا الرفـيـق بتقـفـاه
انـواع واخطـر نـوع مانـي بناسيـه=نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه=والى بغيتـه صـدق مـا عـاد تلقـاه
ولا انت ردك كل ما ادعيك.. (( لبيـه))=انشهـد ان مانتـوا فيعيـنـي اشـبـاه
مانت بمع العالم ولا تقـول لـي.. ليـه=انت ادرى منـي وش جوابـي وفحـواه
الحلـم ياتينـي بـزولـك واراعـيـه=وفـي كـل حلـم اقـوم قبـل اتحفـاه
واعشق سميـك فالبزاريـن وادعيـه=واقبـل خطـاه الـى اخطـا واتلـقـاه
واسمـك يروعنـي الـى مـر طاريـه=واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه=وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه=تبغي تلـف ويستحـي العقـل والجـاه
وصلك يخيط الصـدر والبعـد يفريـه=ويابري حالـي كـان صديـت بريـاه
ويلي علـى ادري حبنـا ويـش تاليـه=وويلي على ادري وش ورى الغيب ويلاه
عشـان اشـوف اذا محبتـك ..ترفيـه=والله لا اقفي عنّـك.. استغفـر الله

الموضوع الأصلي: اعشق سميّك فالبزارين وادعيه,,, || الكاتب: بندر نجد || المصدر: منتديات الأماكن

المصدر: منتديات الأماكن