أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
سارت قوافل موكب الهم بخطاي=وخاويتها عكساً على كيف ودي
تبت يدينك يالشقى نلت مشهاي=وشلون جريت النكد فوق خدي
البارحه ما عارض الغمض مسراي=وحدي ماغير الشقى صار حدي
سهران ليلي طال مع طول ممشاي=تايه بدرباً زاد فيه التحدي
سبت وليفاً انكر الجود بقفاي=فجئه تحول كل شياً بصدي
اكبر خطا يوم اتبع عاذل الراي=جالي على عكس الذي كان يبدي
كنت احسبك يالين العود ثناي=لاوحسافه كيف وقفت ضدي
وانا احسبك مثلي ومبداك مبداي=وثرك تسايرني على غير جدي
كم صاحباً زعلت وازعلت برضاي=لجلك تنول من الرضى ما تودي
وياما حملت من الخطا في سواياي=لجل امنع اللي ما قدرتي تردي
ادري عليك اخطي وعاتبك بالراي=وعاتبك وعتب على كيف مدي
كله عشان اجلس معك طول ممداي=لجلك حلا وقتي اذا صار مردي