بدري علـى الضيقـة و طاريهـا"
مـا كـل ضحكـة تهـز القلـب يشبعهـا
ومـا كـل دمعـة تمـر العيـن تبكيـهـا


من شاف ضحكـة زمانـي قـال "بايعهـا"
ما يدري إنـي فقيـر مـا قـدر اشريهـا


يـا اللـي نثرتـي سنيـن كنـت أجمّعهـا
تكفيـن هـذي حصـاد العـمـر لمّيـهـا


كـم كنـت أهـدّد بـك الدنيـا وألوّعـهـا
كـل مـا اذكرتني..واذكّـرهـا وانسّيـهـا


بيدينـك اللـي أحـس وكـن أصابعـهـا
تقول: " بدري علـى الضيقـة و طاريهـا"


بعيونـك اللـي أناديـهـا وأنــا معـهـا
الله يـاكـم زعلـتـي يــوم أنـاديـهـا


كنتي تحسبينـي اسـرح عـن مدامعهـا !
وأنا ما غيـر أتهجـى.. رحلتـي فيهـا !


أي والله اذكـر عيونـك يـوم أطالعـهـا
اقـرا بـهـا أنـشـودة كـنّـا نغنيـهـا


كانـت تـروح وتهـجّ الـبـال واتبعـهـا
تاخـذ عيونـي مـن الحـزن وتودّيـهـا


لأيـام كنـت أرمـي بدنيـاي واجدعـهـا
أيـام مـا كنـت أكحّلهـا .. ولا أعميهـا


طفـل سلاحـه دموعـه يـوم يزرعـهـا
مـن فـوق خـدّه وكـفّ ابـوه يرضيهـا


اكبـر همومـه مــن دروس يراجعـهـا
واقصى طموحه متـى ينجـح ويرميهـا !


طفـل وكـل امنيـاتـه كــان مطمعـهـا
يكبـر وتكبـر هنـوف كـان يرجيـهـا !


كبرت.. ولا كبرت..وضعت.. وخفت أضيّعها
خليـت همـي رضاهـا يــوم اداريـهـا


كـل مـا طعنّـي زمانـي رحـت أدلعهـا
يوم الزمن مـا تـرك لـي غيـر أياديهـا


ما كنت أفكـر تجـي فـي يـوم وأسمعهـا
تقلـب حياتـي مـن اعلاهـا لواطيـهـا


حتـى اقبلـت تبكـي الدمعـة وتردعهـا !
ثم قالت .. وكـن موتـي بيـن أشافيهـا:


" جيتـك أحلّـف عيونـك قبـل أودّعهـا
ما أشـوف دمعـة عتبهـا ليـن أخليهـا"


تبغـى تـروح وتخليـنـي واطاوعـهـا !
تبغانـي اسكـت واقـول :" الله يهديـهـا"


يــا أول أحــلام روح كــان دافعـهـا
انـك سنـدهـا وحاضـرهـا وماضيـهـا


يا سنينـي اللـي قضيـت العمـر اجمّعهـا
يـا ذكريـاتـي مــن أولـهـا لتاليـهـا


لا تتركينـي أعيـش العـمـر بايعـهـا !
ضحكة زماني بدونك مـا اقـدر أشريهـا !



تحياتي وتقديري




الــ ع ـــطشان