ترى الذبايح وأهلهـا مـا تسلينـي
أنا أدري إن المرض لا يمكن علاجه

أدري تبي راحتي لا يا بعد عينـي
حرام ما قصرّت يديك فـي حاجـه

أخـذ وصاتـي وأمانـه لا تبكينـي
لو كان لك خاطر ما ودي ازعاجـه

أبيك في يديـك تشهدنـي وتسقينـي
أمانتك لا يجـي جسمـي بثلاجـه

لف الكفن في يديك وضف رجلينـي
ما غيرك أحد كشف حسناه واحراجه

أبيك بالخيـر تذكرنـي وتطرينـي
يجيرني خالقي مـن نـار وهاجـه

سامح على اللي جرى ما بينك وبيني
أيام نمشـي عـدل وأيـام منعاجـه

همي عيالي وأنا اللي فـيّ كافينـي
علمهـم الديـن تفسيـره ومنهاجـه

حاولت أنام وحاربت عينـي النـوم
وجريت صوت مثل صوت الذيابـه

والجفن كنّه صاير وسطـه هـزوم
ودموع عيني مثـل رش السحابـة

على وليفٍ قالـوا اليـوم مرحـوم
راح وتوفى مااهتنـى فـي شبابـه

زرت القبور اللى على بعضها رسوم
حطيت رسمٍ فـوق ذيـك النصابـة

قلبي مـن الدنيـا عليـل ومرسـوم
الوسم تـوه عقـب خـط الكتابـة

أحبها ميـر القـدر صـار مقسـوم
ويحبهـا كـل الأهـل والقـرابـة

الموت أخذها وأودع القلب مسلـوم
جـرح عميـقٍ مايـداوي صوابـه

الموت أخذ شجعان ورخوم وأقـروم
وأخذ رسول الله وباقـي الصحابـة